ആലുവ റെയില്‍വേ സ്റ്റേഷനിലേക്ക് അജ്ഞാതന്റെ ബോംബ് ഭീഷണി സന്ദേശം; പരിശോധന നടത്തി ബോംബ് സ്‌ക്വാഡും ഡോഗ് സ്‌ക്വാഡും

കൊച്ചി: ആലുവ റെയില്‍വേ സ്റ്റേഷനിലേക്ക് അജ്ഞാതന്റെ ബോംബ് ഭീഷണി സന്ദേശമെത്തി.

സ്ഥലത്ത് ബോംബ് സ്‌ക്വാഡും ഡോഗ് സ്‌ക്വാഡും ചേര്‍ന്ന് പരിശോധന നടത്തി.
ഭീഷണി സന്ദേശത്തിനു പിന്നാലെ ചില ട്രെയിനുകള്‍ പിടിച്ചിട്ടിട്ടുണ്ട്.

ഇന്നലെ രാത്രിയാണ് ഇത്തരത്തില്‍ സന്ദേശമെത്തിയത്.
അജ്ഞാതൻ ഫോണില്‍ വിളിച്ച്‌ അറിയിക്കുകയായിരുന്നു.

ഇത് ആരാണെന്ന് തിരിച്ചറിഞ്ഞിട്ടില്ല. സന്ദേശം എവിടെ നിന്നാണ് എത്തിയതെന്ന കാര്യത്തില്‍ ഇതുവരെ വ്യക്തത വന്നിട്ടില്ല. പരിശോധന തുടര്‍ന്നു കൊണ്ടിരിക്കുകയാണ്.