സ്വന്തം ലേഖിക
കൊച്ചി: ആലുവയില്‍ ലഹരിവില്‍പനക്കാരിയുടെ ആക്രമണത്തില്‍ പിങ്ക് പൊലീസ് ഉദ്യോഗസ്ഥയ്ക്ക് പരിക്ക്.
സീനിയര്‍ വനിതാ പൊലീസ് ഓഫീസറായ പി എം നിഷയ്ക്കാണ് പരിക്കേറ്റത്. ലഹരി വില്‍പനക്കാരിയായ കൊല്‍ക്കത്ത സ്വദേശിനി സീമ എന്ന സ്ത്രീയുടെ ആക്രമണത്തില്‍ റോഡിലേക്ക് തെറിച്ചു വീണതിനെതുടര്‍ന്നാണ് നിഷയുടെ കൈക്കും കാലിനും പരിക്കേറ്റത്. സീമയെ പിന്നീട് പൊലീസ് അറസ്റ്റ് ചെയ്തു.
Whatsapp Group 1 | Whatsapp Group 2 |Telegram Group
ശിശുഭവനിലെ കുട്ടികള്‍ക്ക് ലഹരിമരുന്ന് വിതരണം ചെയ്യുന്നുണ്ടെന്ന വിവരം ലഭിച്ചതിനെതുടര്‍ന്നാണ് പിങ്ക് പൊലീസ് ഇവിടെ പരിശോധനയ്ക്കായി എത്തിയത്.
അന്വേഷണത്തിനിടെ സംശയം തോന്നി സീമയെ ചോദ്യം ചെയ്യുന്നതിനിടെ ഇവര്‍ പൊലീസിനെ ആക്രമിക്കുകയായിരുന്നു. ആലുവ ആശുപത്രി കവലയില്‍ നിന്നും ഇവരെ പിടികൂടാന്‍ ശ്രമിക്കുമ്പോഴായിരുന്നു ആക്രമണം.
നിഷയെ കൂടാതെ മറ്റൊരു പിങ്ക് പൊലീസ് ഉദ്യോഗസ്ഥയായ സ്നേഹലതയും ചേര്‍ന്നാണ് സീമയെ പിടികൂടാന്‍ ശ്രമിച്ചത്.
ആക്രമണത്തിന് ശേഷം രക്ഷപ്പെടാന്‍ ശ്രമിച്ച സീമയെ കൂടുതല്‍ പൊലീസെത്തി അറസ്റ്റ് ചെയ്തു. പരിക്കേറ്റ പൊലീസ് ഉദ്യോഗസ്ഥരെ ജില്ലാ ആശുപത്രിയില്‍ പ്രവേശിപ്പിച്ചു.
