കുമരകം: ഓൾ ഇൻഡ്യാ യൂത്ത് സ്പോർട്ട്സ് ദേശീയ ചാമ്പ്യൻഷിപ്പിൽ
കുമരകം സ്വദേശിനിയായ എൽബാ സൂസൻ ഏലിയാസിന് സ്വർണ്ണം.
അയ്മനം സ്വദേശിനിയും, നിലവിൽ കുമരകത്ത് താമസക്കാരിയുമാണ് എൽബാ സൂസൻ ഏലിയാസ് എന്ന മിടുമിടുക്കി.
ഗോവയിലെ മഡ്ഗാവിൽ വച്ച്
യൂത്ത് സ്പോർട്ട്സ് എഡ്യൂക്കേഷൻ ഫെഡറേഷൻ ഓഫ് ഇന്ത്യ സംഘടിപ്പിച്ച
ഓൾ ഇൻഡ്യാ യൂത്ത് സ്പോർട്ട്സ് ദേശീയ ചാമ്പ്യൻഷിപ്പിലാണ്
റെസിലിംഗ് വിഭാഗ മത്സരത്തിൽ എൽബാ സൂസൻ ഏലിയാസ് സ്വർണ്ണ മെഡൽ ജേതാവായത്.
പരേതനായ ഏലിയാച്ചൻ പി ജോൺ , ബിയ ഏലിയാച്ചൻ ദമ്പതികളുടെ രണ്ട് മക്കളിൽ മൂത്തമകളാണ് എൽബാ സൂസൻ ഏലിയാസ് . സഹോദരി എബിന എലിസബത്ത് ഏലിയാസ്
Whatsapp Group 1 | Whatsapp Group 2 |Telegram Group
അയ്മനം പുലിക്കുട്ടിശേരിയിൽ നിന്ന് പിതാവിൻ്റെ മരണശേഷമാണ് മാതാവിൻ്റെ സ്വദേശമായ കുമരകത്തേക്ക് കുടുംബം എത്തിയത്.
കാരാപ്പുഴ ഗവ. ഹയർ സെക്കണ്ടറി സ്കൂളിലെ പ്ലസ്ടു വിദ്യാർത്ഥിനിയാണ് എൽബാ സൂസൻ ഏലിയാസ്.
+2 പഠനത്തിനിടെ
കുമരകം ചന്തക്കവലയിൽ അമ്മ നടത്തുന്ന ഭക്ഷണശാലയിൽ സാഹായിക്കുന്നതിനൊപ്പം പരിശീലനത്തിനും സമയം കണ്ടെത്തിയാണ് ഈ നേട്ടം കൈവരിച്ചത്.
കാരാട്ടേ പരിശീലനവും ജൂഡോ പരിശീലനവും നടത്തുന്ന ഈ മിടുക്കി
കോട്ടയം വെസ്റ്റ് സബ് ജില്ലാ സ്കൂൾ സ്പോർട്സ് ആൻഡ് ഗെയിംസ് അസോസിയേഷൻ, കേരള സ്റ്റേറ്റ് സ്കൂൾ റെസ്ലിംഗ് ചാമ്പ്യൻഷിപ്പ് തുടങ്ങിയ മത്സരങ്ങളിൽ സീനിയർ ഗേൾസ് വിഭാഗത്തിലായി നിരവധി സമ്മാനങ്ങൾ നേടിയിട്ടുണ്ട്.
