ആലപ്പുഴയില്‍ ശബരിമല തീര്‍ത്ഥാടകരുടെ വാഹനത്തിനുനേരെ യുവാവിന്റെ ആക്രമണം; ബസിന്റെ ചില്ലുതകർത്തു; ഒൻപതുവയസുകാരിക്ക് പരിക്ക്

സ്വന്തം ലേഖിക

ആലപ്പുഴ: രാത്രിയില്‍ ശബരിമല തീര്‍ത്ഥാടകരുടെ വാഹനത്തിനുനേരെ യുവാവിന്റെ ആക്രമണം.

ആലപ്പുഴ കളര്‍കോട് ജംഗ്ഷനില്‍ ഇന്നലെ രാത്രി പത്തുമണിയോടെയായിരുന്നു ആക്രമണം ഉണ്ടായത്.

ബസിന്റെ ചില്ലുതകരുകയും തീര്‍ത്ഥാടക സംഘത്തില്‍ ഉണ്ടായിരുന്ന ഒൻപതുവയസുകാരിയുടെ കൈക്ക് പരിക്കേല്‍ക്കുകയും ചെയ്തിട്ടുണ്ട്.

പ്രകോപനമൊന്നുമില്ലാതെയാണ് യുവാവ് വാഹനത്തിനുനേരെ അതിക്രമം തുടങ്ങിയതെന്നാണ് റിപ്പോര്‍ട്ട്. ഇയാള്‍ക്കുവേണ്ടി തിരച്ചില്‍ ആരംഭിച്ചു.

എവിടെ നിന്നുള്ളവരാണ് തീര്‍ത്ഥാടകര്‍ എന്ന് വ്യക്തല്ല.