12 കാരിയായ ദളിത് പെൺകുട്ടിക്ക് നേരെ ലൈംഗികാതിക്രമം: പരാതി നൽകിയതോടെ ഒളിവിൽ പോയ പ്രതിയെ പോലീസ് അറസ്റ്റ് ചെയ്തു

ആലപ്പുഴ: പന്ത്രണ്ടുകാരിയായ ദളിത് പെൺകുട്ടിക്ക് നേരെ ലൈംഗികാതിക്രമം നടത്തിയ 58കാരൻ അറസ്റ്റിൽ. മണ്ണഞ്ചേരി സ്വദേശി സുഭാഷ് ചന്ദ്രബോസിനെയാണ് മണ്ണഞ്ചേരി പോലീസ് അറസ്റ്റ് ചെയ്തത്.

പെൺകുട്ടിയുടെ മടിയിലിരുന്ന അനുജനായ കുഞ്ഞിനെ ഓമനിക്കാനെന്ന പേരിൽ സമീപിച്ച ശേഷം ഇയാൾ പെൺകുട്ടിയുടെ ശരീരഭാഗങ്ങളിൽ സ്പർശിക്കുകയായിരുന്നു. തുടർന്ന് കുട്ടി രക്ഷിതാക്കളെ വിവരം അറിയിക്കുകയും പോലീസിൽ പരാതി നൽകുകയും ചെയ്തു.

തുടർന്ന് പെൺകുട്ടിയെ വൈദ്യപരിശോധനയ്ക്കും വിധേയമാക്കി. പരാതി നൽകിയതോടെ ഒളിവിൽ പോയ പ്രതിയെ ഇന്ന് പൊന്നാടിലുള്ള വീട്ടിൽ രഹസ്യമായി എത്തിയപ്പോൾ പോലീസ് പിടികൂടുകയായിരുന്നു.