ആലപ്പുഴ മാന്നാറില്‍ വള്ളംകളിക്കിടെ അമരക്കാരനെ പങ്കായം കൊണ്ട് തളളിയിട്ട സംഭവം; ആഭ്യന്തര വകുപ്പ് നടപടി ആരംഭിച്ചു

ആലപ്പുഴ : മാന്നാറില്‍ വള്ളംകളിക്കിടെ അമരക്കാരനെ പങ്കായം കൊണ്ട് തളളിയിട്ട സംഭവത്തില്‍ ആഭ്യന്തര വകുപ്പ് നടപടി തുടങ്ങി.

നിരണം വള്ളം തുഴഞ്ഞ പൊലീസ് ടീമിന്റെ ലീഡിംഗ് ക്യാപ്റ്റനോട് ആഭ്യന്തര വകുപ്പ് വിശദമായ റിപ്പോര്‍ട് ആവശ്യപ്പെട്ടു. എ ആര്‍ ക്യാമ്പ് കമാന്‍ഡന്റ് കുടിയായ സുനിലിനോടാണ് വിശദീകരണം തേടിയത്.

മാന്നാറില്‍ നടന്ന വള്ളം കളിക്കിടെ ചെറുതന ചുണ്ടെന്റെ അമരക്കാരനെയാണ് പങ്കായം കൊണ്ട് നിരണം ചുണ്ടന്‍ പൊലീസ് ക്ലബിലെ അംഗം പങ്കായം കൊണ്ട് കുത്തി വെള്ളത്തിലിട്ടത്.

മഹാത്മ ജലോത്സവത്തിന്‍്റെ ഫിനിഷിംഗിനിടെയാണ് സംഭവം. പോലീസ് ടീമിന് ഒന്നാം സമ്മാനം നല്‍കരുതെന്ന് ആവശ്യപ്പെട്ട നാട്ടുകാരെയും തുഴക്കാരെയും സുരക്ഷക്കെത്തിയ പോലീസ് മര്‍ദ്ദിച്ച്‌ അവശരാക്കുകയും ചെയ്തു.ഇത് വന്‍ വിവാദമായ സാഹചര്യത്തിലാണ് ആഭ്യന്തര വകുപ്പ് ഇടപെട്ടത്.