അച്ചാർ നൽകിയില്ലെന്നാരോപിച്ച് ക്ഷേത്രത്തിലെ അന്നദാനത്തിനിടെ സംഘർഷം ; ക്ഷേത്ര ഭാരവാഹിയേയും ഭാര്യയേയും മർദ്ദിച്ച യുവാവിനെതിരെ കേസെടുത്ത് പോലീസ്

ആലപ്പുഴ : ക്ഷേത്രത്തിലെ അന്നദാനത്തിനിടെ അച്ചാർ നല്‍കിയില്ലെന്ന് പറഞ്ഞ് ക്ഷേത്ര ഭാരവാഹിയേയും ഭാര്യയേയും മർദിച്ചതായി പരാതി.

ഇലഞ്ഞിപ്പറമ്ബ് ക്ഷേത്രത്തിലെ ഉത്സവത്തോട് അനുബന്ധിച്ചുള്ള അന്നദാനത്തിനിടെയാണ് സംഭവം.

ഇലഞ്ഞിപ്പറമ്ബ് ക്ഷേത്രത്തിലെ ഭാരവാഹിയും ആലപ്പുഴ സ്വദേശിയുമായ രാജേഷ്, ഭാര്യ അർച്ചന എന്നിവർക്കാണ് മർദനമേറ്റത്.

സംഭവത്തിൽ ആലപ്പുഴ സ്വദേശി അരുണിനെതിരെ സൗത്ത് പൊലീസ് കേസെടുത്തു. യാതൊരു പ്രകോപനവുമില്ലാതെ അരുണ്‍ മർദിക്കുകയായിരുന്നുവെന്ന് രാജേഷ് പറയുന്നു.