പാലക്കാട് അലനല്ലൂരിൽ നായ കുറുകെ ചാടി ബൈക്ക് മറിഞ്ഞ് അപകടം ; മകനൊപ്പം ബൈക്കിൽ സഞ്ചരിക്കുകയായിരുന്ന വീട്ടമ്മയ്ക്ക് ദാരുണാന്ത്യം

പാലക്കാട് :  അലനല്ലൂരിൽ നായ കുറുകെ ചാടി ബൈക്ക് മറിഞ്ഞു വീട്ടമ്മ മരിച്ചു. മകനൊപ്പം ബൈക്കിൽ യാത്ര ചെയ്യുകയായിരുന്ന മലപ്പുറം മേലാറ്റൂർ കിഴക്കുംപുറം സ്വദേശി  സലീന(46)യാണ് മരിച്ചത്.

ബൈക്കോടിച്ചയുടെ മകൻ മുഹമ്മദ് ഷമ്മാസ് പരിക്കേൽക്കാതെ രക്ഷപ്പെട്ടു.അലനല്ലൂർ സ്കൂൾപ്പടിയിൽ ഇന്ന് രാവിലെയായിരുന്നു അപകടം.

നായ ബൈക്കിന് കുറുകെ ചാടിയതോടെ നിയന്ത്രണം നഷ്ടപ്പെട്ട ബൈക്കിൽ നിന്ന് സെലീന റോഡിലേക്ക് തെറിച്ച് വീഴുകയായിരുന്നു, തലയ്ക്ക് ഗുരുതരമായി പരിക്കേറ്റ സെലീനയെ ഉടൻതന്നെ പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.