എ.കെ.ജി സെന്ററിനു നേരേയുണ്ടായ ബോംബാക്രമണം; കോട്ടയം ന​ഗരത്തിൽ സി.പി.എം ഏരിയ കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി

സ്വന്തം ലേഖകൻ

കോട്ടയം: എ.കെ.ജി സെന്ററിനു നേരെ ഇന്നലെ രാത്രിയുണ്ടായ ബോംബാക്രമണത്തിൽ പ്രതിഷേധിച്ച് കോട്ടയം ന​ഗരത്തിൽ സി.പി.എം പ്രവർത്തകരുടെ നേതൃത്വത്തിൽ പ്രകടനം.

തിരുനക്കരയിൽ നിന്നും ആരംഭിച്ച പ്രകടനം ശീമാട്ടി റൗണ്ടാന ചുറ്റി ഗാന്ധിസ്‌ക്വയറിൽ സമാപിച്ചു.

കോൺ​ഗ്രസിനെതിരെ വ്യാപകമായി പ്രതിഷേധ മുദ്രാവാക്യങ്ങൾ ഉയർത്തിയ പ്രവർത്തകർ പ്രകടനത്തിനിടെ കോൺ​ഗ്രസിന്റെ ഫ്ലക്സ് ബോർഡുകലും തകർത്തു.

സി.പി.എം സംസ്ഥാന കമ്മിറ്റി അംഗം അഡ്വ. കെ.അനിൽകുമാർ, ജില്ലാ കമ്മിറ്റിയംഗങ്ങളായ സി.എൻ സത്യനേശൻ, എം.കെ പ്രഭാകരൻ, കെ.ആർ അജയ്, ഏരിയ സെക്രട്ടറി കെ.ശശികുമാർ, പി.ജെ വർഗീസ് എന്നിവർ പ്രകടനത്തിന് നേതൃത്വം നൽകി.

വെസ്റ്റ് എസ് എച്ച് ഒ അനൂപ് കൃഷ്ണയുടേയും, എസ് ഐ ടി ശ്രീജിത്തിന്റേയും നേതൃത്വത്തിൽ വൻ പൊലീസ് സംഘം ന​ഗരത്തിൽ നിലയുറപ്പിച്ചിരിക്കുകയാണ്.