തിരുവനന്തപുരം : മുതിര്ന്ന സിപിഐഎം നേതാവും കൊട്ടാരക്കര എംഎല്എയുമായ ഐഷ പോറ്റി കോണ്ഗ്രസില് ചേർന്നു. പ്രതിപക്ഷ നേതാവ് വി ഡി സതീശന് മാലയിട്ട് സ്വീകരിച്ചു.
തൊഴിലുറപ്പ് പദ്ധതി അട്ടിമറിച്ചതില് കേന്ദ്ര സര്ക്കാരിനെതിരെ നടത്തുന്ന കോണ്ഗ്രസിന്റെ പ്രതിഷേധ വേദിയില് വെച്ചാണ് ഐഷ പോറ്റിയെ കോണ്ഗ്രസിലേക്ക് സ്വാഗതം ചെയ്തത്.
മൂന്നുതവണ എംഎല്എയായിരുന്ന അയിഷ പോറ്റിയുടെ കോൺഗ്രസ് പ്രവേശനം സിപിഎമ്മിന് വൻ തിരിച്ചടിയാണ്. കെപിസിസി പ്രസിഡൻ്റ് സണ്ണി ജോസഫ് മെമ്പർഷിപ്പ് കൈമാറി.
Whatsapp Group 1 | Whatsapp Group 2 |Telegram Group
കുറച്ച് കാലങ്ങളായി പാര്ട്ടി പരിപാടികളില്നിന്ന് വിട്ടുനില്ക്കുകയായിരുന്നു. പാര്ട്ടി പ്രവര്ത്തനങ്ങളില് സജീവമല്ലെന്നു കാട്ടി സി.പി.എം. കൊട്ടാരക്കര ഏരിയ കമ്മിറ്റിയില്നിന്ന് ഐഷ പോറ്റിയെ ഒഴിവാക്കിയിരുന്നു. ഏരിയ സമ്മേളനത്തില്നിന്നു വിട്ടുനിന്ന ഐഷ പോറ്റി ഏറെനാളായി നേതൃത്വവുമായി അകല്ച്ചയിലാണ്.
