ആലപ്പുഴ: എയർ ഹോസ്റ്റസായ യുവതിയെ വിവാഹവാഗ്ദാനം നല്കി ലൈംഗിക പീഡനത്തിനിരയാക്കിയെന്ന പരാതിയില് ആലപ്പുഴ സ്വദേശിയായ പ്രവാസി വ്യവസായിക്കെതിരെ കേസെടുത്തു.
മണ്ണഞ്ചേരി പഞ്ചായത്ത് ആറാം വാർഡ് പുത്തൻപറമ്ബില് ജാരിസ് മേത്തർ (45) ക്കെതിരേയാണു കേസ് രജിസ്റ്റർ ചെയ്തത്. കാസർകോട് സ്വദേശിനിയായ യുവതിയാണ് പരാതിക്കാരി. വിവാഹ വാഗ്ദാനം നല്കി ലൈംഗികബന്ധത്തിലേർപ്പെട്ട ശേഷം വഞ്ചിച്ചെന്നാണ് എയർഹോസ്റ്റസിന്റെ പരാതിയുള്ളത്.
സംഭവം സംബന്ധിച്ച് പോലീസ് പറയുന്നത്:
Whatsapp Group 1 | Whatsapp Group 2 |Telegram Group
വിമാനയാത്രയ്ക്കിടെ എയർ ഹോസ്റ്റസുമായി പരിചയപ്പെട്ട ജാരിസ് മേത്തർ പിന്നീട് ഇവരുമായി പ്രണയത്തിലായി. വിവാഹമോചിതയായ യുവതിയെ വിവാഹം കഴിക്കാമെന്ന് ഉറപ്പുനല്കിയ ശേഷം ഇവരെ ലൈംഗികബന്ധത്തിലേർപ്പെടുകയായിരുന്നു. എന്നാല്, ഇയാള് പിന്നീട് വിവാഹ വാഗ്ദാനത്തില് നിന്നും പിന്മാറി.
ജോലിയുമായി ബന്ധപ്പെട്ട് കാലടിയിലാണ് യുവതി താമസിക്കുന്നത്. വഞ്ചിക്കപ്പെട്ടെന്ന് മനസ്സിലായതോടെ യുവതി ജാരിസിനെതിരേ കാലടി പോലീസിലും പിന്നീട് മണ്ണഞ്ചേരി പോലീസിനും പരാതി നല്കുകയായിരുന്നു. ജാരിസ് മേത്തറും വിവാഹിതനാണ്.
