വെടിയേറ്റത് വയറിലും മുതുകിലും; ഹരിപ്പാട് എയര്‍ ഗണ്‍ കൊണ്ട് വെടിയേറ്റയാള്‍ മരിച്ചു; വിരമിച്ച എയര്‍ഫോഴ്സ് ഉദ്യോഗസ്ഥനായ അയല്‍വാസി അറസ്റ്റില്‍

സ്വന്തം ലേഖിക

ആലപ്പുഴ: ആലപ്പുഴ ഹരിപ്പാടില്‍ എയര്‍ ഗണ്‍ കൊണ്ട് വെടിയേറ്റയാള്‍ മരിച്ചു.

ഹരിപ്പാട് പള്ളിപ്പാട് വഴുതാനത്ത് സോമനാണ് (55) ചികിത്സയിലിരിക്കെ മരണപ്പെട്ടത്.

സംഭവത്തില്‍ സോമന്റെ അയല്‍വാസിയും ബന്ധവുമായ പ്രസാദ് പിടിയിലായിരുന്നു.

വിരമിച്ച എയര്‍ഫോഴ്സ് ഉദ്യോഗസ്ഥനാണ് പ്രസാദ്. സോമൻ്റെ വയറിലും മുതുകിലുമാണ് വെടിയേറ്റത്.

ഗുരുതരമായി പരുക്കേറ്റ സോമനെ വണ്ടാനം മെഡിക്കല്‍ കോളേജില്‍ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. കുടുംബവഴക്കിനെ തുടര്‍ന്നായിരുന്നു ആക്രമണം.