സ്വന്തം ലേഖകൻ
തിരുവനന്തപുരം: ഗവ.- എയിഡഡ് ഹയർ സെക്കന്ററി സ്കൂളിലെ ലാബ് അസിസ്റ്റന്റുമാർ ഇന്ന് പൊതു വിദ്യാഭ്യാസ വകുപ്പ് ഹയർ സെക്കന്ററി ഡയറക്ടറേറ്റിന് മുൻപിൽ വിവിധ ആവശ്യങ്ങൾ ഉന്നയിച്ചു കൊണ്ട് ധർണ സമരം നടത്തി.
കേന്റോ (KNETO), എ. കെ. പി. എൽ. എ. AKPLA, ജി എച്ച് എൽ എ (GHLA), കെ എച്ച് എസ് എൽ യു ( KHSLU) എന്നിവയുടെ സംയുക്ത കൂട്ടായ്മയായ ഫെഡറേഷൻ ഓഫ് ഹയർസെക്കൻഡറി ലാബ് അസിസ്റ്റന്റ് അസോസിയേഷൻ (FHSLA) ആഭിമുഖ്യത്തിൽ ആണ് സമരം നടത്തിയത് .
Whatsapp Group 1 | Whatsapp Group 2 |Telegram Group
പ്രമോദ് നാരായണൻ എംഎൽഎ പ്രതിഷേധ ധർണ്ണ ഉദ്ഘാടനം ചെയ്തു. അഡ്വ. പി ടി എ റഹീം എം എൽ എ, തിരുവഞ്ചൂർ രാധാകൃഷൻ, ടിവി ഇബ്രാഹിം എംഎൽഎ, സത്യാനന്ദൻ എൻ, ജേക്കബ് നൈനാൻ, ഗിരിധരൻ കെ., ജോൺസി ജേക്കബ്, മുഹമ്മദ് നബീൽ, ബൈജു എ., മാഹിൻ സജിത്ത് കെ., സുമേഷ് കാഞ്ഞിരം, രാജേഷ് ഇ., ജയകൃഷ്ണൻ കെ. അഖിൽ ടി. തുടങ്ങിയവർ പ്രസംഗിച്ചു.
ഹയർ സെക്കന്ററി പരീക്ഷ മാനുവലിലെ വിവാദ നോട്ട് പരാമർശം ഒഴിവാക്കുക, കണ്ണൂർ, കോഴിക്കോട്, മലപ്പുറം ആർ. ഡി. ഡി ഓഫീസുകൾ തടഞ്ഞു വച്ചിട്ടുള്ള ആനുകൂല്യങ്ങൾ ഉടൻ അനുവദിക്കുക, പൊതുവിദ്യാഭ്യാസ വകുപ്പിന് (HS, HSE, VHSE) കീഴിൽ വരുന്ന എല്ലാ ഉയർന്ന തസ്തികളിലേക്കും ന്യായമായ പ്രേമോഷൻ ചാനൽ ഉറപ്പ്‌ വരുത്തുക,പ്രൊബേഷൻ ഡിക്ലയർ ചെയ്യാനുള്ള ടെസ്റ്റ്‌ ഒഴിവാക്കി ഇൻ സർവീസ് കോഴ്സ് അനുവദിക്കുക,ആനുപാതിക അടിസ്ഥാനത്തിൽ ഗ്രേഡ് പ്രമോഷൻ (50%) അനുവദിക്കുക.
സൂപ്പർ ന്യൂമറി ആയി വെട്ടിക്കുറച്ച ലാബ് അസിസ്റ്റന്റ് തസ്തിക, കുട്ടികളുടെ എണ്ണത്തിന് ആനുപാതികമായി വർദ്ധിപ്പിക്കുക. അടിസ്ഥാന യോഗ്യത പ്ലസ്ടു സയൻസായി ഉയർത്തുക,ലാബ് അസിസ്റ്റന്റ് തസ്തികയുടെ പേര് മാറ്റാൻ ഉള്ള നീക്കം ഉപേക്ഷിക്കുകയും ലാബ് അസിസ്റ്റന്റ് തസ്തികയോടുള്ള വിവേചനം അവസാനിപ്പിക്കുകയും ചെയ്യുക തുടങ്ങിയ വിവിധ ആവശ്യങ്ങൾ ഉന്നയിച്ചാണ് സമരം നടത്തിയത്.
