കോട്ടയം: മേടച്ചൂടിലും തിരഞ്ഞെടുപ്പ് ആവേശത്തിന് ഒരു കുറവുമില്ലാതെയാണ് കെ അനിൽകുമാറും ഇടതുമുന്നണി പ്രവര്ത്തകരും പ്രചരണ രംഗത്തുള്ളത്.
മണ്ഡലത്തിലെ ഒരോ പ്രദേശത്തും പരമാവധി ആളുകളെ നേരിൽ കണ്ട് മണ്ഡലത്തിൽ നടപ്പിലാക്കുന്ന വികസന പ്രവർത്തനങ്ങളെപ്പറ്റി അവരോട് സംസാരിച്ചാണ് അനിൽകുമാർ വോട്ടഭ്യർത്ഥിക്കുന്നത്. ഒപ്പം സമൂഹ മാധ്യമങ്ങളിൽ താൻ നടപ്പിലാക്കുന്ന പദ്ധതികളുടെ എ ഐ ആവിഷ്കാരങ്ങളും.
പുളിയ്ക്കമറ്റത്തെയും ചോഴിയക്കാട്ടെയും കുമാരനല്ലൂരിലെയുമൊക്കെ മരണവീടുകൾ സന്ദർശിച്ച് കുടുംബാംഗങ്ങളോട് അനുശോചനം അറിയിച്ചു.
പിന്നീട് ചിങ്ങവനത്തെ കട ഉദഘാടനത്തിലും പങ്കെടുത്ത് സംക്രാന്തിയിൽ കല്യാണത്തിലും പങ്കെടുത്ത ശേഷം കോടിമതയിലെ ഓട്ടോറിക്ഷാത്തൊഴിലാളികളുടെ ഹൃദ്യമായ സ്വീകരണവും ഏറ്റ് വാങ്ങി.
പുളിയ്ക്കമറ്റത്തും നിന്നുമാരംഭിച്ച് ആരംഭിച്ച പര്യടനം ഏറ്റുമാനൂരിൽ മുഖ്യമന്ത്രി ഉദ്ഘാടനം ചെയ്ത എൽഡിഎഫ് തെരഞ്ഞെടുപ്പ് പൊതുയോഗത്തോടെ സമാപിച്ചു.
