കോട്ടയം ബാറിൻ്റെ അഭിമാനമായി അഡ്വ. സക്കീർ ഹുസൈൻ ;പവർ ലിഫ്റ്റിംഗിൽ ദേശീയ ചാമ്പ്യനായി മടങ്ങിയെത്തിയ അഡ്വ. സക്കീർ ഹുസൈന് സ്വീകരണം നൽകി സഹപ്രവർത്തകർ

കോട്ടയം :പവർ ലിഫ്റ്റിംഗിൽ ദേശീയ ചാമ്പ്യനായി മടങ്ങിയെത്തിയ അഡ്വ. സക്കീർ ഹുസൈൻ സാറിന് സഹപ്രവർത്തകരുടെ ഊഷ്മളമായ സ്വീകരണം.

ഹിമാചൽ പ്രദേശിലെ ധർമ്മശാലയിൽ വച്ച് നടന്ന ദേശീയ പവർ ലിഫ്റ്റിംഗ് ചാംപ്യൻഷിപ്പിലാണ് കോട്ടയത്തെ പ്രമുഖ അഭിഭാഷകനും കൂടിയായ അഡ്വ. സക്കീർ ഹുസൈൻ ദേശീയ ചാമ്പ്യനായത്.

അറുപത് വയസ്സിന് മുകളിലുള്ളവരുടെ എൺപത്തിമൂന്ന് കിലോഗ്രാം വിഭാഗത്തിലാണ് അഡ്വ . സക്കീർ ഹുസൈൻ പൊന്ന് വിളയിച്ചത്. തിരക്കേറിയ അഭിഭാഷക വൃത്തിക്കിടയിലും ഇങ്ങനെ ഒരു ഹോബി കൊണ്ടു നടക്കുന്ന കാര്യം സഹപ്രവർത്തകർക്ക് പോലും അറിയില്ലായിരുന്നു.

കോട്ടയം അതിരമ്പുഴ സ്വദേശിയാണ്. മുൻ മന്ത്രിയും യശശ്ശരീരനുമായ അഡ്വ. എം പി ഗോവിന്ദൻ നായരുടെ ജൂനിയറായിരുന്ന ഇദ്ദേഹം മുപ്പത്തൊൻപത് വർഷത്തിലേറെയായി കോട്ടയത്ത് പ്രാക്ടീസ് ചെയ്യുന്നു.