തിരുവനന്തപുരം: ഇടതു സർക്കാരുമായി ഇടഞ്ഞുനില്ക്കുന്ന മുൻ ചലച്ചിത്ര അക്കാദമി ചെയർമാനും നടനുമായ പ്രേം കുമാറിനെ കോണ്ഗ്രസിലേക്ക് കൊണ്ടുവരാൻ നീക്കം. കോൺഗ്രസ് നേതാക്കൾ നടനുമായി ചർച്ച നടത്തി.
ചലച്ചിത്ര അക്കാദമി ചെയർമാൻ സ്ഥാനത്ത് നിന്ന് മാറ്റിയത് മുതല് അതൃപ്തനാണ് പ്രേംകുമാർ. ഇതില് സർക്കാരിനെതിരെ കഴിഞ്ഞ ദിവസം പ്രേം കുമാർ തുറന്നടിച്ചിരുന്നു. തന്നോട് സര്ക്കാര് കാണിച്ചത് നീതിനിഷേധമാണെന്നും ചലച്ചിത്ര അക്കാദമി ചെയർമാൻ സ്ഥാനത്ത് നിന്ന് മാറ്റിയതില് സർക്കാർ മാന്യത കാണിച്ചില്ലെന്നും പ്രേംകുമാര് തുറന്നടിച്ചു.
ആശാവര്ക്കര്മാരുടെ സമരത്തെ അനുകൂലിച്ചതിനെതുടര്ന്നാണ് അധ്യക്ഷ സ്ഥാനത്ത് നിന്ന് മാറ്റിയതെന്ന വിവരം മാധ്യമങ്ങളിലൂടെയാണ് അറിഞ്ഞത്. ആശാസമരത്തെ അനുകൂലിച്ച് പറഞ്ഞത് സദുദ്ദേശപരമായ അഭിപ്രായമാണ്. എന്നാല്, ഗുരുതര പരാമര്ശം നടത്തിയിട്ടും സച്ചിദാനന്ദൻ സാഹിത്യ അക്കാദമി അധ്യക്ഷ സ്ഥാനത്ത് തന്നെ തുടരുകയാണെന്നും പ്രേംകുമാര് തുറന്നടിച്ചു. നേരത്തെ ഫേസ്ബുക്ക് പോസ്റ്റിലൂടെയും പ്രേംകുമാര് വിമര്ശനവുമായി രംഗത്തെത്തിയിരുന്നു.
Whatsapp Group 1 | Whatsapp Group 2 |Telegram Group