ചെന്നൈ : തമിഴ് നടൻ പ്രദീപ് കെ വിജയനെ ചെന്നൈയിലെ വീട്ടില്‍ മരിച്ച നിലയില്‍ കണ്ടെത്തി. കുളിമുറിയിലാണ് മൃതദേഹം കിടന്നത്. തലയ്‌ക്ക് പരിക്കുണ്ടായിരുന്നതായി പൊലീസ് പറഞ്ഞു.ഹൃദയാഘാതമാണ് മരണം കാരണമെന്നാണ് പ്രാഥമിക നിഗമനം.രണ്ടു ദിവസം മുന്‍പ് മരണ സംഭവിച്ചതായും പൊലീസ് സംശയിക്കുന്നുണ്ട്. മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.
അശോക് സെല്‍വൻ നായകനായ തെഗിഡി, ദുല്‍ഖർ സല്‍മാൻ നായകനായ ഹേ സിനാമിക എന്ന സിനിമകളില്‍ ശ്രദ്ധിക്കപ്പെടുന്ന കഥാപാത്രങ്ങളെ അവതരിപ്പിച്ച പ്രദീപ് ഐടി പ്രൊഫഷണലായിരുന്നു.
രണ്ടു ദിവസമായി സുഹൃത്ത് പലവട്ടം പ്രദീപിനെ ഫോണില്‍ ബന്ധപ്പെടാൻ ശ്രമിച്ചെങ്കിലും പ്രതികരണമുണ്ടായിരുന്നില്ല, തുടർന്ന് വീട്ടിലെത്തി വാതില്‍ തട്ടി വിളിച്ചിട്ടും പുറത്തുവരാതിരുന്നതോടെ പാെലീസിനെ അറിയിക്കുകയായിരുന്നു. പാെലീസെത്തി നോക്കുമ്ബോഴാണ് നടനെ മരിച്ച നിലയില്‍ കണ്ടെത്തുന്നത്.
Whatsapp Group 1 | Whatsapp Group 2 |Telegram Group
നടന് അടുത്തിടെ ശ്വാസതടസവും തലക്കറവും അനുഭവപ്പെട്ടിരുന്നതിന് ചികിത്സ തേടിയിരുന്നതായി റിപ്പോർട്ടുകളുണ്ട്. പ്രദീപ് നായർ പപ്പു എന്നാണ് അദ്ദേഹത്തെ അറിയപ്പെട്ടിരുന്നത്. 2013 പുറത്തിറങ്ങിയ സൊന്നാ പുരിയാത് എന്ന ചിത്രത്തിലൂടെ അരങ്ങേറിയത്. വിജയ് സേതുപതിയുടെ മഹാരാജയിലാണ് താരം ഒടുവില്‍ അഭിനയിച്ചത്. സുഹൃത്തുക്കളും സഹപ്രവർത്തകരം നടന്റെ വിയോഗത്തില്‍ അനുശോചിച്ചു.
