തിരുവനന്തപുരം: കാര് ഇടിച്ച് യുവാക്കള്ക്ക് പരിക്കേറ്റ സംഭവത്തില് നടന് മണിയന്പിള്ള രാജുവിന്റെ അറസ്റ്റ് രേഖപ്പെടുത്തിയ ശേഷം സ്റ്റേഷന് ജാമ്യത്തില് വിട്ടു.
ജീവഹാനി വരുത്തുന്ന രീതിയില് വാഹനം ഓടിച്ചു, ഇടിച്ചിട്ട ശേഷം വാഹനം നിര്ത്താതെ പോയി, വിവരം ഉത്തരവാദിത്തപ്പെട്ടവരെ അറിയിച്ചില്ല തുടങ്ങിയ കുറ്റങ്ങളാണ് മണിയന്പിള്ള രാജുവിനെതിരെ ചുമത്തിയിരിക്കുന്നത്. അപകടമുണ്ടാക്കിയ കാര് പൊലീസ് കസ്റ്റഡിയില് എടുത്തിട്ടുണ്ട്. വാഹനത്തിന്റ മുന്ഭാഗം തകര്ന്ന നിലയിലാണ്.
അതേസമയംട്രിവാൻഡ്രം ക്ലബിന് മുന്നിലെ അപകടവുമായി ബന്ധപ്പെട്ട് സിസിടിവി ദൃശ്യങ്ങള് പുറത്ത് വന്നു. ക്ലബ്ബിന്റെ പാർക്കിങ്ങില് നിന്ന് മണിയൻപിള്ള രാജു വാഹനം പുറത്തേക്ക് ഇറക്കുന്നതിനിടെ അമിതവേഗതയിലെത്തിയ ബൈക്ക് ഇടിക്കുകയായിരുന്നു.
Whatsapp Group 1 | Whatsapp Group 2 |Telegram Group
കാറിന്റെ മുൻഭാഗത്ത് ബൈക്ക് വന്ന് ഇടിക്കുന്നതും യുവാക്കള് റോഡിലേക്ക് തെറിച്ചു വീഴുന്നതും ദൃശ്യത്തില് വ്യക്തമാണ്. ഇൻഡികേറ്റർ ഇട്ട് പതിയെ ആണ് പ്രധാന റേഡിലേക്ക് മണിയൻപിള്ള രാജു വാഹനം എടുക്കുന്നത്. എന്നാല് ബൈക്ക് വന്ന് ഇടിച്ചതിന് ശേഷം അദ്ദേഹം വാഹനം നിർത്താതെ എടുത്തുപോകുകയായിരുന്നു. ബൈക്ക് തന്റെ വാഹനത്തില് വന്ന് ഇടിക്കുകയായിരുന്നു എന്ന മണിയൻപിള്ള രാജുവിന്റെ വാദം ശരിവെക്കുന്നതാണ് ദൃശ്യങ്ങള്.
