നിരവധി കേസുകളിൽ പ്രതി; സ്റ്റേഷനിലേക്ക് കൊണ്ടുവരുമ്പോൾ പൊലീസുകാരെ തള്ളിമാറ്റി തൊടുപുഴയാറിൽ ചാടി; കോലാനി സ്വദേശി ഷാഫിയ്ക്കായി തിരച്ചിൽ തുടരുന്നു

സ്വന്തം ലേഖകൻ

തൊടുപുഴ: നിരവധി കേസുകളിലെ പ്രതിയായ കോലാനി സ്വദേശി ഷാഫി പൊലീസ് കസ്റ്റഡിയിൽ നിന്നും രക്ഷപ്പെട്ടു. തൊടുപുഴ പൊലീസിന്റെ കസ്റ്റഡിയിൽ നിന്നുമാണ് ഇയാൾ കടന്നുകളഞ്ഞത്.

അടിപിടിക്കേസിലാണ് ഇയാളെ പൊലീസ് കസ്റ്റഡിയിലെടുത്തത്. സ്റ്റേഷനിലേക്ക് കൊണ്ടുവരുമ്പോൾ പൊലീസുകാരെ തള്ളിമാറ്റി കുതറി ഓടിയ പ്രതി തൊടുപുഴയാറിൽ ചാടുകയായിരുന്നു.

ഷാഫിക്കു വേണ്ടി ഫയർഫോഴ്‌സ് പുഴയിൽ തിരച്ചിൽ നടത്തുകയാണ്. ഇയാൾ ഒഴുക്കിൽപ്പെട്ടിട്ടുണ്ടോയെന്ന് സംശയമുണ്ട്. സ്‌കൂബ ഡൈവിങ് സംഘവും തിരച്ചിലിനായി എത്തിയിട്ടുണ്ട്.