18കാരിയെ പെട്രോളൊഴിച്ച്‌ കൊലപെടുത്താൻ സംഭവം; അറസ്റ്റിലായ അയല്‍ക്കാരൻ പൊലീസ് സ്റ്റേഷനില്‍ വെച്ച്‌ ആത്മഹത്യയ്‌ക്ക് ശ്രമിച്ചു

ആലപ്പുഴ: പതിനെട്ടുകാരിയെ പെട്രോളൊഴിച്ച്‌ കൊല്ലാൻ ശ്രമിച്ച അയല്‍വാസി ആത്മഹത്യയ്ക്ക് ശ്രമിച്ചു.

അയല്‍ക്കാരനായ ജോസ് (58) ആണ് പൊലീസ് സ്റ്റേഷനില്‍വച്ച്‌ ജീവനൊടുക്കാൻ ശ്രമിച്ചത്.

ഇക്കാര്യം ശ്രദ്ധയില്‍പ്പെട്ട പൊലീസുകാർ ഉടൻ തന്നെ ഇയാളെ ആശുപത്രിയില്‍ പ്രവേശിപ്പിച്ചു. ആരോഗ്യനില തൃപ്തികരമാണെന്നാണ് വിവരം.

ആലപ്പുഴ സിവ്യൂ വാർഡില്‍ താമസിക്കുന്ന പെണ്‍കുട്ടിയെയാണ് ഇയാള്‍ കൊല്ലാൻ ശ്രമിച്ചത്. വീട്ടുവരാന്തയിലിരുന്ന് പഠിക്കുകയായിരുന്ന പെണ്‍കുട്ടിയുടെ മേല്‍ പെട്രോളൊഴിച്ച്‌ തീകൊളുത്താൻ ശ്രമിച്ചു. ഇതിനിടയില്‍ പെണ്‍കുട്ടി ഓടി രക്ഷപ്പെടുകയായിരുന്നു.

ഈ സമയം പെണ്‍കുട്ടിയുടെ മാതാപിതാക്കള്‍ വീട്ടിലുണ്ടായിരുന്നില്ല. അയല്‍വാസികള്‍ തമ്മില്‍ തർക്കം നിലനിന്നിരുന്നു. മുൻപ് പെണ്‍കുട്ടിയുടെ പിതാവിനെ ജോസ് കുത്തിപ്പരിക്കേല്‍പ്പിച്ചിരുന്നു. അന്ന് ഇയാള്‍ റിമാൻഡില്‍ കഴിഞ്ഞിട്ടുണ്ട്.