പത്തനംതിട്ട ജില്ലാ പഞ്ചായത്ത് പ്രസിഡന്റിന് വാഹനാപകടത്തിൽ ഗുരുതര പരിക്ക്; റോഡ് മുറിച്ച് കടക്കുന്നതിനിടെ വാഹനം ഇടിച്ച് തെറിപ്പിക്കുകയായിരുന്നു

സ്വന്തം ലേഖിക

Link

Embed

Copy and paste this HTML code into your webpage to embed.

തിരുവല്ല: പത്തനംതിട്ട ജില്ലാ പഞ്ചായത്ത് പ്രസിഡന്റിന് വാഹനാപകടത്തിൽ ഗുരുതര പരിക്ക്. റോഡ് മുറിച്ച് കടക്കുന്നതിനിടെ വാഹനം ഇടിച്ചു തെറുപ്പിയ്ക്കുകയായിരുന്നു .പത്തനംതിട്ട ജില്ലാ പഞ്ചായത്ത് പ്രസിഡന്റും, സിപിഎം നേതാവുമായ ഓമല്ലൂർ ശങ്കരനാണ് അപകടത്തിൽ പരിക്കേറ്റത് .

ഞായറാഴ്ച ഉച്ചയ്ക്ക് 1 മണിയോടെ പത്തനംതിട്ട സ്റ്റേഡിയം ജംഗ്ഷനു സമീപമാണ് അപകടം ഉണ്ടായത്. ജില്ലാ സ്റ്റേഡിയത്തിന് സമീപത്തെ റിങ് റോഡിലേയ്ക്ക് അമിത വേഗതയിൽ പാഞ്ഞെത്തിയ വാഹനമാണ് അദ്ദേഹത്തെ ഇടിച്ച് തെറിപ്പിച്ചത്.

ഡിവൈഎഫ്‌ഐ സംസ്ഥാന സമ്മേളന വേദിയായ പത്തനംതിട്ട ജില്ലാ സ്റ്റേഡിയത്തിൽ ക്രമീകരണങ്ങൾ വിലയിരുത്തുന്നതിനായി രാവിലെയോടെയാണ് സഹപ്രവർത്തകരുമായി ഓമല്ലൂർ ശങ്കരൻ എത്തിയത്.