വാഹനാപകടം ; അബുദാബിയിൽ മലയാളി വിദ്യാർഥി മരിച്ചു

അബു​ദാബി : യുഎഇയിൽ വാഹനാപകടത്തിൽ മലയാളി വിദ്യാർഥി മരിച്ചു. തൃശൂർ ഏങ്ങണ്ടിയൂർ സ്വദേശി ചക്കാമഠത്തിൽ പ്രണവ് (24) ആണ് മരിച്ചത്. അബുദാബിയിലാണ് അപകടം.

പ്രണവ് സഞ്ചരിച്ച വാഹനം അബുദാബി ബനിയാസ് പാലത്തിനു സമീപത്താണ് അപകടത്തില്‍പ്പെട്ടത്. ഞായറാഴ്ച പുലർച്ചെയാണ് സംഭവം.

അബുദാബിയിൽ വിദ്യാർഥിയായ പ്രണവ്, ഷൈജു- വത്സല ദമ്പതികളുടെ മകനാണ്. സഹോദരി: ശീതൾ. സംസ്കാരം നാട്ടിൽ.