കോട്ടയം എം.സി റോഡില്‍ കാര്‍ മൂന്നുവാഹനങ്ങളിലിടിച്ചു; രണ്ട് പേർക്ക് പരിക്ക്

സ്വന്തം ലേഖിക

കോട്ടയം: എം.സി റോഡില്‍ മണിപ്പുഴ ജംഗ്ഷനില്‍ വാഹനാപകടത്തിൽ രണ്ട് പേർക്ക് പരിക്ക്.

നിയന്ത്രണം വിട്ട കാര്‍ മറ്റൊരു കാറിലും സ്‌കൂട്ടറിലും ബൈക്കിലും ഇടിക്കുകയായിരുന്നു.

ഇന്നലെ രാവിലെ 9.30 ഓടെയാണ് സംഭവം. സ്കൂട്ടര്‍ യാത്രികനായ കൊല്ലാട് കുറുപ്പന്‍പറമ്പില്‍ സതീഷ് (48), ബൈക്ക് യാത്രികനായ വേളൂര്‍ ഓണാട്ട് വീട്ടില്‍ രാജേഷ് (53) എന്നിവര്‍ക്കാണ് പരിക്കേറ്റത്.

ഇവരെ കോട്ടയം ജനറല്‍ ആശുപത്രിയില്‍ പ്രവേശിപ്പിച്ചു. അപകടമുണ്ടാക്കിയ കാറിൻ്റെ ഡ്രൈവര്‍ തൃക്കൊടിത്താനം സ്വദേശി ദേഹാസ്വാസ്ഥ്യത്തെ തുടര്‍ന്ന് ജില്ലാ ജനറല്‍ ആശുപത്രിയില്‍ ചികിത്സതേടി.