പാലായിൽ ഓട്ടോറിക്ഷ മറിഞ്ഞ് വയോധിക മരിച്ചു ; ബസ്സിനെ മറികടക്കാൻ ശ്രമിക്കുന്നതിനിടെ ഓട്ടോ നിയന്ത്രണം വിട്ട് മറിയുകയായിരുന്നു

കോട്ടയം : പാലായിൽ ഓട്ടോറിക്ഷ മറിഞ്ഞ് വയോധിക മരിച്ചു. പൂഞ്ഞാർ പെരിനിലം തുണ്ടിയിൽ മേരിക്കുട്ടി ദേവസ്യ (78) ആണ് മരിച്ചത്.

പാലാ – ഈരാറ്റുപേട്ട റൂട്ടിൽ പനക്കപ്പാലത്ത് വ്യാഴാഴ്ച ഉച്ചയ്ക്ക് 2 മണിയോട് കൂടിയാണ്  അപകടം ഉണ്ടായത്.

ബസ്സിനെ മറികടക്കാൻ ശ്രമിക്കുന്നതിനിടെ ഓട്ടോറിക്ഷ നിയന്ത്രണം നഷ്ടപ്പെട്ട് മറിയുകയായിരുന്നു. ഓട്ടോ ഡ്രൈവർ നിസ്സാര പരിക്കുകളോടെ രക്ഷപ്പെട്ടു.