സര്‍വീസ് സെൻ്ററില്‍ ജീവനക്കാരൻ പിന്നോട്ടെടുത്ത കാര്‍ നിയന്ത്രണം വിട്ട് ഇടിച്ചു; കാറിനും ഭിത്തിക്കുമിടയില്‍പ്പെട്ട് ഗുരുതരമായ പരിക്കേറ്റ ഫ്ലോര്‍ ഇൻ ചാര്‍ജിന് ദാരുണാന്ത്യം

ആലപ്പുഴ: സർവീസ് സെൻ്ററില്‍ പിന്നോട്ടെടുക്കവെ നിയന്ത്രണം വിട്ട കാർ ഇടിച്ച് ജീവനക്കാരന് ദാരുണാന്ത്യം.

Link

Embed

Copy and paste this HTML code into your webpage to embed.

എം.സി റോഡില്‍ പ്രാവിൻകൂടിനു സമീപം പ്രവർത്തിക്കുന്ന കാർ സർവീസ് സെൻ്ററിലാണ് അപകടം നടന്നത്.
സർവീസ് സെന്ററിലെ ജീവനക്കാരൻ എടുത്ത കാർ ഇടിച്ച്‌ ഫ്ലോർ ഇൻ ചാർജ് ആയിരുന്ന 32 കാരൻ അനന്തു സി നായർ ആണ് മരിച്ചത്.

കഴിഞ്ഞ ദിവസം പകല്‍ മൂന്നരയോടെയായിരുന്നു അപകടം. സർവീസ് സെൻ്ററിലെ മറ്റൊരു ജീവനക്കാരൻ പിന്നോട്ടെടുത്ത കാർ നിയന്ത്രണം വിട്ട് അനന്തുവിനെ ഇടിക്കുകയായിരുന്നെന്നു ചെങ്ങന്നൂർ പൊലീസ് പറഞ്ഞു.

കാറിനും ഭിത്തിക്കുമിടയില്‍പ്പെട്ട് ഗുരുതരമായ പരിക്കേറ്റ അനന്തുവിനെ തിരുവല്ലയിലെ സ്വകാര്യ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.