ദേശീയപാതയിൽ കാറും സ്കൂട്ടറും കൂട്ടിയിടിച്ച് കോട്ടയം വൈക്കം സ്വദേശി മരിച്ചു; സഹയാത്രികന് പരിക്ക്

സ്വന്തം ലേഖിക

കൊടുങ്ങല്ലൂര്‍: ദേശീയപാത 66ല്‍ ശ്രീനാരായണപുരം പൊരി ബസാറില്‍ കാറും സ്കൂട്ടറും കൂട്ടിയിടിച്ച് കോട്ടയം വൈക്കം സ്വദേശി മരിച്ചു.

വൈക്കം തയ്ക്കാട്ട് വീട്ടില്‍ ആകാശാണ്​ (23) മരിച്ചത്.

സഹയാത്രികന്‍ വൈക്കം സ്വദേശി വേളിച്ചിറ വീട്ടില്‍ സച്ചിന് ഗുരുതര പരിക്കേറ്റു.

ഞായറാഴ്ച രാവിലെ പത്തോടെ പൊരി ബസാര്‍ പെട്രോള്‍ പമ്പിന് സമീപമാണ്​ അപകടം.

ഗുരുതര പരിക്കേറ്റ ഇരുവരെയും ഉടന്‍ എറണാകുളത്തെ സ്വകാര്യ ആശുപത്രിയില്‍ എത്തിച്ചെങ്കിലും ആകാശിനെ രക്ഷിക്കാനായില്ല.

മതിലകം പൊലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു.