വിദേശത്തേക്ക് മടങ്ങാനിരിക്കെ ജെസിന്റെ കു​ടും​ബത്തെ ദുരന്തം കവർന്നു; ക​ട്ട​പ്പ​ന​യി​ല്‍ പോയി മടങ്ങിയ യാത്ര ഭാര്യയുടെ മരണത്തിലേക്ക്; ച​ങ്ങ​നാ​ശേ​രി പൂ​വ​ത്തും​മൂ​ട്ടി​ല്‍ വീട്ടമ്മയുടെ മരണത്തിന് ഇടയാക്കിയ അപകടമുമ്ടായത് ഇങ്ങനെ

സ്വന്തം ലേഖകൻ

ച​ങ്ങ​നാ​ശേ​രി: കു​വൈ​റ്റി​ലേ​ക്കു മ​ട​ങ്ങാ​നി​രി​ക്കെയാണ് തൃ​ക്കൊ​ടി​ത്താ​നം ക​ള​ത്തി​പ്പ​റ​മ്പി​ല്‍ ജെ​സി​ന്‍ കെ. ​ജോ​ണി​ന്‍റെ കു​ടും​ബ​ത്തി​ന് അപകടം സം​ഭ​വി​ച്ച​ത് . ജെ​സി​ന്‍ കു​വൈ​റ്റി​നു പോ​കാ​നു​ള്ള ത​യാ​റെ​ടു​പ്പി​ലാ​യി​രു​ന്നു. ജ​സി​ന്‍റെ ഭാ​ര്യ ജെ​സ്റ്റി റോ​സ് ആ​ന്‍റ​ണി (40)ക്ക് ​അ​പ​ക​ട​ത്തി​ല്‍ ദാ​രു​ണാ​ന്ത്യം സം​ഭ​വി​ച്ചു.

ച​ങ്ങ​നാ​ശേ​രി-​വാ​ഴൂ​ര്‍ റോ​ഡി​ല്‍ മാ​ട​പ്പ​ള്ളി പൂ​വ​ത്തും​മൂ​ട്ടി​ല്‍ കാ​റും ഓ​ട്ടോ​യും ബൈ​ക്കും കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ലാ​ണ് ദു​ര​ന്തം സം​ഭ​വി​ച്ച​ത്. ജെ​സി​നും ഇ​വ​രു​ടെ മ​ക്ക​ളാ​യ ജോ​വാ​ന്‍ ജെ​സി​ന്‍ ജോ​ണ്‍ (10), ജോ​നാ റോ​സ് ജെ​സി​ന്‍ (ആ​റ്) എ​ന്നി​വ​ര്‍ക്കും ഗു​രു​ത​ര​മാ​യ പ​രി​ക്കേ​റ്റു.

കു​വൈ​റ്റി​ല്‍ ജോ​ലി​യി​ലു​ള്ള ജെ​സി​നും കു​ടും​ബ​വും ഏ​താ​നും ദി​വ​സ​ങ്ങ​ള്‍ക്കു മു​മ്പാ​ണ് നാ​ട്ടി​ലെ​ത്തി​യ​ത്. ജെ​സി​ന്‍ കു​ട്ട​നാ​ട്ടി​ലെ കൊ​ടു​പ്പു​ന്ന സ്വ​ദേ​ശി​യാ​ണ്. ജെ​സ്റ്റി താ​യ​ങ്ക​രി വ​ട​ക്കേ​ടം ക​ള​ത്തി​ത്ത​റ കു​ഞ്ഞ​ച്ച​ന്‍-​കു​ഞ്ഞു​മോ​ള്‍ ദ​മ്പ​തി​ക​ളു​ടെ മ​ക​ളാ​ണ്.

പ​ത്തു​വ​ര്‍ഷം​മു​മ്പാ​ണ് ഇ​വ​ര്‍ തൃ​ക്കൊ​ടി​ത്താ​നം ഫൊ​റോ​നാ പ​ള്ളി​ക്കു​സ​മീ​പം സ്ഥ​ലം വാ​ങ്ങി വീ​ടു​വ​ച്ച​ത്. വി​ദേ​ശ​ത്തു​നി​ന്നും വ​രു​മ്പോ​ള്‍ ഇ​വി​ടെ​യാ​ണ് ഇ​വ​ര്‍ താ​മ​സി​ച്ചി​രു​ന്ന​ത്. അ​ടു​ത്തി​ടെ ഈ ​വീ​ട് വാ​ട​ക​യ്ക്കു ന​ല്‍കി. ജെ​സി​ന്‍റെ ചാ​ഞ്ഞോ​ടി​യി​ലു​ള്ള സ​ഹോ​ദ​രി വി​ദേ​ശ​ത്തു പോ​യ​തോ​ടെ ജെ​സി​നും കു​ടും​ബ​വും ഇ​ങ്ങോ​ട്ടേ​ക്കു താ​മ​സം മാ​റ്റി. ജെ​സ്റ്റി​യും മ​ക്ക​ളും ഈ ​മാ​സം അ​വ​സാ​നം കു​വൈ​റ്റി​ലേ​ക്കു മ​ട​ങ്ങാ​നാ​യി​രു​ന്നു പ്ലാ​ന്‍. ക​ട്ട​പ്പ​ന​യി​ല്‍ പോ​യി മ​ട​ങ്ങു​മ്പോ​ള്‍ ഇ​ന്ന​ലെ ഉ​ച്ച​ക​ഴി​ഞ്ഞാ​ണ് അ​പ​ക​ടം.