നിയന്ത്രണം വിട്ട സ്ക്കൂൾ ബസ് മരത്തിലിടിച്ച് 13 വിദ്യാർത്ഥികൾക്കും ഡ്രൈവർക്കും പരിക്ക്
തിരൂർ: നിയന്ത്രണം വിട്ട സ്ക്കൂൾ ബസ് മരത്തിലിടിച്ച് 13 വിദ്യാർത്ഥികൾക്കും ഡ്രൈവർക്കും പരിക്ക്
തിരുനാവായ നാവാമുകുന്ദ ഹയർ സെക്കണ്ടറി സ്ക്കൂൾ ബസ്സാണ് തിരുന്നാവായ താഴത്തറ ഇറക്കത്തിൽ മരത്തിലിടിച്ച് ഡ്രൈവറടക്കം 14 പേർക്ക് പരിക്കേറ്റത്.
അപകടത്തിൽ സാരമായ പരിക്കേറ്റ ഡ്രൈവർ ബാഹുലേയൻ (56), വിദ്യാർഥി ഫാത്തിമ സഫ (13) എന്നിവരെ കോട്ടക്കൽ അൽമാസ് ആ ശു പ ത്രിയിലും റാനിയ (10), ഷീബ (13), ഫാത്തിമ മുഫീദ (11), ഫാത്തിമ റിഫ (13), അതുല്യ (13), ശ്രീഹരി (10), ജിൻഷാദ് (13), ഷ ഹൽ (10), ഫിദ ഫാത്തിമ (10), മുഫീദ (13), എന്നിവരെ കൊടക്കൽ മിഷൻ ആശുപത്രിയിലും പ്രവേശിപ്പിച്ചു.
Whatsapp Group 1 | Whatsapp Group 2 |Telegram Group
സംസ്കൃത സർവകലാശാല റോഡിലെ ഇറക്കത്തിൽ നിയന്ത്രണം വിട്ട് ഭാരതപ്പുഴയിലേക്ക് നീങ്ങാനുള്ള സാധ്യത കണ്ട ഡ്രൈവർ റോഡരികിലെ മരത്തിലേക്ക് ഇടിപ്പിച്ച് നിർത്തിയതിനാലാണ് വൻ ദുരന്തം ഒഴിവായത്.
വ്യാഴാഴ്ച ഉച്ചക്ക് 1.15 ഓടെയാണ് അപകടം. തിരൂർ പൊലീസ് സ്ഥലത്തെത്തി കാര്യങ്ങൾ വിലയിരുത്തി.
