കോട്ടയം: ഓടിക്കൊണ്ടിരുന്ന പിക്കപ് വാനിന്റെ മുകളിലേക്ക് വൻ മരം കടപുഴകി വീണു.മണർകാട് – കിടങ്ങൂർ റോഡിൽ കോളേജ് കവലയിലാണ് സംഭവം
വാഹനം നിയന്ത്രണം തെറ്റാതെ നിർത്താൻ സാധിച്ചതിനാൽ വൻ ദുരന്തമാണ് ഒഴിവായത്. ഡ്രൈവർക്ക് പരിക്കേൽക്കാതെ രക്ഷപെട്ടു. വാഹനത്തിന് കേടുപാടുകൾ സംഭവിച്ചിട്ടുണ്ട്‌.ഈ സമയം റോഡില്‍ വാഹനങ്ങളും കാല്‍നടക്കാരും കുറവായതിനാല്‍ വന്‍ ദുരന്തം ഒഴിവായി.
മണർകാട് പഞ്ചായത്ത്‌ ജനപ്രതിനിധികൾ അടക്കമുള്ളവരുടെ നേതൃത്വത്തിൽ നാട്ടുകാരുടെയും കെ. എസ്. ഈ. ബി. പ്രവർത്തകരുടെയും സഹായത്തോടെ മരം വെട്ടി മാറ്റിയാണ് റോഡ് ഗതാഗതം പുനസ്ഥാപിച്ചത്.
