നായയെ പേടിച്ച്‌ ഓടിയ പേരകുട്ടിയെ രക്ഷിക്കൻ ശ്രമിക്കുന്നതിനിടയിൽ മുത്തശ്ശി മുങ്ങി മരിച്ചു.വണ്ടിത്താവളം വടതോട് സ്വദേശിനി നബീസയാണ് മരിച്ചത്.ആടിനെ മേയ്ക്കുന്നതിനായി വണ്ടിത്താവളം വടതോട് കുളത്തിനടുത്തെത്തിയതായിരുന്നു മുത്തശ്ശിയും കൊച്ചുമോളും.മേയ്ക്കുന്നതിനിടെ ഷിഫാനയെ തെരുവുനായ ആക്രമിക്കാൻ ശ്രമിക്കുകയായിരുന്നു.ഓടി മാറാൻ ശ്രമിക്കുന്നതിനിടെ കുട്ടി സമീപത്തെ കുളത്തില്‍ വീഴുകയായിരുന്നു.
കുളത്തില്‍ നിന്നും പേരക്കുട്ടിയെ രക്ഷപ്പെടുത്താൻ ശ്രമിക്കുന്നതിനിടയിലാണ് നബീസ മുങ്ങി മരിച്ചത്. ഷിഫാനയെ പിന്നീട് പഞ്ചായത്തംഗമായ ശോഭനാ ദാസ് രക്ഷപ്പെടുത്തുകയായിരുന്നു. പാലക്കാട്‌ ജില്ലാശുപത്രിയിലേക്ക് നബീസയുടെ മൃതദേഹം മാറ്റി.
