കോട്ടയം ആർപ്പൂക്കരയിൽ അടഞ്ഞു കിടന്ന വീട്ടിൽ നിന്നും പണം മോഷ്ടിച്ചു; പ്രതി പിടിയിൽ

കോട്ടയം: അടഞ്ഞു കിടന്ന വീട്ടിൽ മോഷണം നടത്തിയ കേസിൽ പ്രതി പിടിയിൽ.

ആർപ്പൂക്കര വില്ലേജിൽ കരിപ്പൂത്തട്ട് ഭാഗത്ത് ഇരുപേരുംപത്തിൽ വീട്ടിൽ ശരത് മോഹൻ (20 ) ആണ് അറസ്റ്റിലായത്.

ആർപ്പൂക്കര കരിപ്പൂത്തട്ട് ഭാഗത്തുള്ള കരിവേലി വീട്ടിൽ അലമാരക്കുള്ളിൽ തടി കൊണ്ടുള്ള പണപ്പെട്ടിയിൽ സൂക്ഷിച്ചിരുന്ന 45000 രൂപാ വില വരുന്ന സ്വർണ്ണാഭരണങ്ങൾ ആണ് മോഷണം പോയത്.

ഗാന്ധിനഗർ പോലീസിന്റെ അന്വേഷണത്തിൽ ഇന്നലെ വൈകിട്ടോടെ പ്രതികെ അറസ്റ്റ് ചെയ്യുകയായിരുന്നു. ഗാന്ധിനഗർ എസ് എച്ച് ഒ ശ്രീജിത്ത്‌ ടി, എസ് ഐഅനുരാജ്, സിപിഒമാരായ ലിബിൻ, ശ്രീനിഷ് എന്നിവരടങ്ങുന്ന പോലീസ് സംഘമാണ് കൃത്യമായ അന്വേഷണത്തിലൂടെ പ്രതിയെ പിടികൂടിയത്.