ആർപ്പൂക്കരയിൽ വീട്ടിൽ മദ്യക്കച്ചവടം  നടത്തിയിരുന്നയാൾ എക്സൈസിൻ്റെ പിടിയിൽ : ഇയാളിൽ നിന്ന് 4 ലിറ്റർ മദ്യവും, മദ്യം വിറ്റ വകയിൽ ലഭിച്ച പണവും കണ്ടെടുത്തു

ആർപ്പൂക്കര : നാളുകളായി വീട്ടിൽ മദ്യക്കച്ചവടം നടത്തിയിരുന്നയാൾ എക്സൈസിന്റെ പിടിയിൽ.  ആർപ്പൂക്കര മണലേ പറമ്പ് സ്വദേശി സാബു എ. എൻ (60) നെയാണ് എക്സെസ് സ്പെഷ്യൽ സ്ക്വാഡ് അസിസ്റ്റന്റ് ഇൻസ്പെക്ടർ അരുൺ സി ദാസിന്റെ നേതൃത്വത്തിലുള്ള സംഘം അറസ്റ്റ് ചെയ്ത്.

ഇയാളിൽ നിന്നും 4 ലിറ്റർ മദ്യവും മദ്യം വിറ്റ പണവും കണ്ടെടുത്തു. ഇയാൾ സ്വന്തം വീട്ടിൽ വച്ചായിരുന്നു മദ്യക്കച്ചവടം നടത്തിയിരുന്നത്.

ഇയാൾ ഇരുപത്തിനാല് മണിക്കൂറും മദ്യവില്പനടന്നിരുന്നതിനാൽ ഇവിടേക്കെത്തുന്ന  മദ്യപൻമാർ പ്രദേശവാസികൾക്ക് ശല്യമായതോടെ നാട്ടുകാർ ചേർന്ന് പരാതി നൽകുകയായിരുന്നു.

കോടതിയിൽ ഹാജരാക്കിയ പ്രതിയെ പതിനാല് ദിവസത്തേക്ക് റിമാന്റ് ചെയ്തു. അസിസ്റ്റന്റ് എക്സൈസ് ഇൻസ്പെക്ടർമാരായ കെ  ആർ ബിനോദ്, എം. നൗഷാദ്, പ്രിവന്റീവ് ഓഫീസർ നിഫി ജേക്കബ്, സിവിൽ എക്സൈസ് ഓഫീസർ പ്രശോഭ് കെ വി , വനിത സിവിൽ എക്സൈസ് ഓഫീസർ നോബി ടി , എക്സൈസ് ഡ്രൈവർ ബിബിൻ ജോയ് എന്നിവർ പങ്കെടുത്തു.