ആനക്കരയിൽ അനധികൃത മണൽക്കടത്ത് വ്യാപകമാകുന്നു

സ്വന്തം ലേഖകൻ

ആനക്കര: ആനക്കര പഞ്ചായത്തിൽ അനധികൃത മണൽക്കടത്ത് സജീവമാകുന്നു . കുമ്ബിടി കാറ്റാടിക്കടവിൽനിന്നാണ് മണൽ കടത്തുന്നത് . പാതയിൽ നിന്ന് പുഴയിലേക്ക് സമാന്തരപാതയുണ്ടാക്കിയാണ് മണൽ മാഫിയയുടെ സഞ്ചാരം. മലപ്പുറം കേന്ദ്രമാക്കിയുള്ള മണൽമാഫിയയാണ് മണൽ കടത്തുന്നതെന്ന് പരാതി ഉയരുന്നുണ്ട്.

കാറ്റടിക്കടവിന് പുറമേ കാങ്കപ്പുഴക്കടവ്, കൂടല്ലൂർമേഖല എന്നിവിടങ്ങളിൽനിന്ന് രാത്രി മണൽ കടത്തുന്നുണ്ട്. വേനൽ കടുക്കുന്നതോടെ ഇത് വ്യപാകമാകുമെന്നാണ് നാട്ടുകാർ പറയുന്നത്.