ന്യൂ ഡല്ഹി: വരാനിരിക്കുന്ന കേരള നിയമസഭാ തെരഞ്ഞെടുപ്പില് തനിച്ച് മത്സരിക്കാൻ ഒരുങ്ങി ആം ആദ്മി പാർട്ടി. ഒറ്റയ്ക്ക് മത്സരിക്കാൻ സംസ്ഥാനനേതൃത്വത്തിന് പാർട്ടി ദേശീയ അധ്യക്ഷൻ അരവിന്ദ് കേജരിവാള് അനുമതി നല്കി.
ഇന്ത്യാ സഖ്യത്തില്നിന്ന് പിൻമാറിയശേഷം, മറ്റുപാർട്ടികളുമായി സഹകരിച്ചുള്ള തെരഞ്ഞെടുപ്പുസഖ്യങ്ങള് വേണ്ടെന്നാണ് എഎപി നയം. ചർച്ചകള്ക്കായി എഎപി സംസ്ഥാനപ്രസിഡന്റ് വിനോദ് മാത്യു വില്സന്റെ നേതൃത്വത്തിലുള്ള സംഘമാണ് ഡല്ഹിയിലെത്തി കേജരിവാളിനെ കണ്ടത്. തദ്ദേശതെരഞ്ഞെടുപ്പില് ജയിച്ച പാർട്ടിയുടെ ജനപ്രതിനിധികളെയും കേജരിവാള് അഭിനന്ദിച്ചു.
