കോട്ടയം: വടക്കേ ഇന്ത്യക്കാരുടെ പ്രിയപ്പെട്ട പ്രഭാതഭക്ഷണങ്ങളില് മുൻപന്തിയില് നില്ക്കുന്ന വിഭവമാണ് ആലു പറാത്ത.
സുഗന്ധവ്യഞ്ജനങ്ങള്, മല്ലിയില, സവാള എന്നിവ ചേർത്ത് മസാലയാക്കിയ ഉരുളക്കിഴങ്ങ് ഫില്ലിംഗ് ഗോതമ്പ് മാവില് പൊതിഞ്ഞ് ചുട്ടെടുത്ത ഈ പരമ്പരാഗത വിഭവം രുചിയിലും പോഷകമൂല്യത്തിലും സമ്ബന്നമാണ്. കേരളത്തിലെ ഇഡ്ഡലിയും ദോശയും പോലെ, പഞ്ചാബ് ഉള്പ്പെടെയുള്ള വടക്കൻ സംസ്ഥാനങ്ങളില് ഇന്ന് വരെ പരാത്തകള് പ്രിയപ്പെട്ട ഒന്നാണ്. ഇപ്പോള് അതിന് വേണ്ടി വടക്കേ ഇന്ത്യ വരെ പോകേണ്ട വീട്ടില് തന്നെ എളുപ്പത്തില് തയ്യാറാക്കാം.
ചേരുവകള്
Whatsapp Group 1 | Whatsapp Group 2 |Telegram Group
ഉരുളക്കിഴങ്ങ് – 2 എണ്ണം
സവാള – 2 ടേബിള്സ്പൂണ്
മല്ലിയില – 1 ടേബിള്സ്പൂണ്
മുളകുപൊടി – 1/2 ടീസ്പൂണ്
ഗരം മസാല – 1/2 ടീസ്പൂണ്
ഒലിവ് ഓയില് അല്ലെങ്കില് നെയ്യ് – 2 ടീസ്പൂണ്
ഉപ്പ് – ആവശ്യത്തിന്
ഗോതമ്ബ് പൊടി – 1 കപ്പ്
വെള്ളം – 1/2 കപ്പ്
തയ്യാറാക്കുന്ന വിധം
ഉരുളക്കിഴങ്ങ് വേവിച്ച് വലിയ പാത്രത്തില് എടുത്ത് നന്നായി ഉടയ്ക്കുക. അരിഞ്ഞ സവാള, മല്ലിയില, ഉപ്പ്, ഗരം മസാല, മുളകുപൊടി എന്നിവ ചേർത്ത് ഇളക്കി മിശ്രിതമാക്കുക. ഗോതമ്പ് പൊടിയില് ആവശ്യത്തിന് വെള്ളം ചേർത്ത് മൃദുവായ മാവ് ഉണ്ടാക്കുക. മാവ് ഇടത്തരം വലിപ്പമുള്ള ഉരുളകളാക്കി മാറ്റുക. ഓരോ ഉരുളയും 3-4 ഇഞ്ച് വലിപ്പത്തില് ചുരുട്ടി പരത്തി മധ്യത്തില് ഒരു സ്പൂണ് ഉരുളക്കിഴങ്ങ് ഫില്ലിംഗ് വെക്കുക. മാവിന്റെ അരികുകള് ഒന്നിച്ച് കൊണ്ടുവന്ന് ഫില്ലിംഗ് അകത്താക്കി വിരലുകള് ഉപയോഗിച്ച് അടയ്ക്കുക. പരത്തി പറാത്ത ഇരുവശവും ഒലിവ് ഓയില് ഉപയോഗിച്ച് ചെറുതായി ചുട്ടെടുക്കുക. കുറഞ്ഞ എണ്ണ ഉപയോഗിക്കാൻ തയാറായാല്, കുറച്ചു തീയില് ചെറുതായി ചുട്ടെടുത്ത് പിന്നീട് ബ്രഷ് ഉപയോഗിച്ച് എണ്ണ പുരട്ടാം.
സ്വന്തം വീട്ടില് തയ്യാറാക്കിയ ആലു പറാത്ത, ചൂടോടെ എടുക്കുമ്പോള് അതിന്റെ മസാല നിറഞ്ഞ രുചിയും സുഗന്ധവും അനുഭവിക്കാൻ കഴിയും. വടക്കൻ ഇന്ത്യയുടെ പ്രിയപ്പെട്ട വിഭവം ഇപ്പോള് വീടിന്റെ അടുക്കളയിലേക്കും എത്തി.
