അട്ടപ്പാടിയിൽ മേയാൻവിട്ട കാളയെ കാട്ടാന കുത്തിക്കൊന്നു

പാലക്കാട്: അട്ടപ്പാടി പാലൂരില്‍ കാട്ടാന മേയാൻ വിട്ട കാളയെ കുത്തിക്കൊന്നു. പാലൂർ ആനക്കട്ടി ഊരിന് സമീപമാണ് സംഭവം. ശനിയാഴ്ച ഉച്ചയോടെയാണ് അഞ്ച് വയസുള്ള കാളയെ കുത്തേറ്റ് ചത്ത നിലയില്‍ കണ്ടത്.

തുടർന്ന് വൈകുന്നേരത്തോടെ പുതൂർ ഫോറസ്റ്റ് സ്റ്റേഷനിലെ വനം വകുപ്പുദ്യോഗസ്ഥരെത്തി കാട്ടാനയുടെ കുത്തേറ്റാണ് കാള ചത്തതെന്ന് സ്ഥിരീകരിക്കുകയായിരിന്നു. വെള്ളിയാഴ്ച മേയാൻ വിട്ട കാള വനാതിർത്തിയില്‍ കാട്ടാനയുടെ മുൻപില്‍പ്പെട്ടതാകാമെന്നാണ് വനം വകുപ്പിന്റെ നിഗമനം