ഇവിടെയുണ്ട് പാഴ് വസ്തുക്കൾ നിറഞ്ഞൊരു വില്ലേജ് ഓഫീസ്

സ്വന്തം ലേഖകൻ

മാറനല്ലൂര്‍: സംസ്ഥാനത്തെ സർക്കാർ സ്ഥാപനങ്ങൾ എല്ലാം തന്നെ ഇന്ന് നവീകരണത്തിന്റെ പാതയിലാണ്. എന്നാൽ മാറനല്ലൂറിലെ വില്ലേജ് ഓഫീസ് പരിഷ്‌ക്കരിച്ചെങ്കിലും ഓഫീസ് പരിസരം പാഴ്‌വസ്തുക്കള്‍ കൊണ്ട് നിറഞ്ഞിരിക്കുകയാണ്‌. പുതിയ കെട്ടിടം നിര്‍മിച്ചിട്ട് ഒന്നരവര്‍ഷം കഴിഞ്ഞെങ്കിലും പഴയ കെട്ടിടത്തിന്റെ അവശിഷ്ട്ടങ്ങള്‍ പരിസരത്ത് തന്നെ കെട്ടിക്കിടക്കുകയാണ്. കൺമുൻപിൽ കിടക്കുന്നത് പോലും കാണാതെ അധികൃതർ
പഴയ കെട്ടിടത്തില്‍നിന്നുള്ള പൊളിച്ചുമാറ്റിയ വസ്തുക്കള്‍ ഉള്‍പ്പെടെ മഴയത്ത് നനഞ്ഞ് നശിക്കുകയാണ്.

ഇതോടെ ഓഫീസിൽ നിരവധി ആവശ്യങ്ങൾക്കായി എത്തുന്നവർ സ്ഥലപരിമിതിമൂലം ഏറെബുദ്ധിമുട്ട് അനുഭവിക്കാറുണ്ട് അതേസമയം ഇഴജന്തുക്കളുടെ ശല്യവും പതിവാണ്.
പാഴ്‌വസ്തുക്കള്‍ കൂട്ടിയിട്ടിരിക്കുന്നതുമൂലം ഓഫീസിലെത്തുന്നവരുടെയും ജീവനക്കാരുടെയും വാഹനങ്ങള്‍ പാര്‍ക്ക് ചെയ്യാന്‍ കഴിയാത്തസ്ഥിതിയാണ്.

ജീവനക്കാര്‍ അവരുടെ വാഹനങ്ങള്‍ പ്രധാന കവാടത്തിനുസമീപം പാര്‍ക്ക് ചെയ്യുന്നതുമൂലം ഓഫീസിനകത്തേക്കു പ്രവേശിക്കാന്‍ ആളുകള്‍ ബുദ്ധിമുട്ടുകയാണ്.
ഇതു മറ്റു വഴിനടയാത്രക്കാർക്ക് ഏറെയും പ്രയാസമാണ് അനുഭവപ്പെടുന്നത്.