സ്കൂൾ തുറക്കാൻ ദിവസങ്ങൾ മാത്രം ബാക്കി നിൽക്കെ ദുരന്തം; സഹോദരനോടൊപ്പം കുളിക്കാനിറങ്ങിയ വിദ്യാർത്ഥി പെരിയാറിൽ മുങ്ങി മരിച്ചു 

ഇടുക്കി: പ്ലസ് ടു ക്ലാസിലേക്ക് പ്രവേശിക്കാനിരിക്കെ 17-കാരൻ പെരിയാറ്റിൽ മുങ്ങിമരിച്ചു. ഇടുക്കി കീരിത്തോട് സ്വദേശിയായ രതീഷാണ് മരിച്ചത്.

Link

Embed

Copy and paste this HTML code into your webpage to embed.

സഹോദരനോടൊപ്പം കുളിക്കാനിറങ്ങിയ രതീഷ് പെരിയാറിലെ ആഴമേറിയ കയത്തിൽ അകപ്പെടുകയായിരുന്നു. സഹോദരന്റെ നിലവിളി കേട്ട് ഓടിയെത്തിയ നാട്ടുകാർ രക്ഷാപ്രവർത്തനം നടത്തിയെങ്കിലും യുവാവിനെ രക്ഷിക്കാനായില്ല.

ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. പ്ലസ് വൺ പരീക്ഷയിൽ മികച്ച വിജയം നേടിയ രതീഷ്, തിങ്കളാഴ്ച സ്കൂൾ തുറക്കുമ്പോൾ പ്ലസ് ടു ക്ലാസിലേക്ക് പ്രവേശിക്കാനിരിക്കെയായിരുന്നു ദാരുണാന്ത്യം. മൃതദേഹം ഇടുക്കി മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.