ബലി പെരുന്നാള് സന്ദേശവുമായി ഇന്ത്യൻ ഗ്രാൻഡ് മുഫ്തി കാന്തപുരം എ പി അബൂബക്കർ മുസ്ലിയാർ. എത്ര വലിയ പരീക്ഷണങ്ങള് നേരിട്ടാലും വിശ്വാസം മുറുകെ പിടിച്ചും നിയമങ്ങള് അനുസരിച്ചും ജീവിക്കുന്നവർക്ക് ആത്യന്തിക വിജയമുണ്ടെന്ന പ്രതീക്ഷയുടെ സന്ദേശമാണ് ബലിപെരുന്നാള് നല്കുന്നതെന്ന് കാന്തപുരം മുസ്ലിയാർ പറഞ്ഞു.
ഏത് ദുർബല നിമിഷത്തിലും ഉന്മേഷം നേടാനും ധൈര്യം സംഭരിക്കാനും പ്രതിസന്ധികള് തരണം ചെയ്യാനും ഇബ്റാഹീം നബി(അ)യുടെയും കുടുംബത്തിന്റെയും ജീവിത പാഠങ്ങള് മനുഷ്യർ മാതൃകയാക്കണം.ഒരുമയും സാഹോദര്യവും ഉദാരതയും നിറഞ്ഞുനില്ക്കുന്ന ആരാധനകളാണ് പെരുന്നാളിന്റെ സവിശേഷതയെന്ന് പറഞ്ഞ അദ്ദേഹം ഹജ്ജും ബലികർമവും പെരുന്നാള് നിസ്കാരവുമെല്ലാം ഈ മൂല്യങ്ങള് വിളംബരം ചെയ്യുന്നുണ്ടെന്നും ചൂണ്ടിക്കാട്ടി.
പശ്ചിമേഷ്യൻ സംഘർഷം ലോകത്തെയാകെ പലവിധത്തില് അരക്ഷിതാവസ്തയിലാക്കിയ ഈ സാഹചര്യത്തില് സാമ്പത്തിക പ്രയാസമനുഭവിക്കുന്നവരെ ചേർത്തുപിടിച്ചും ദുഃഖിതരെ ആശ്വസിപ്പിച്ചും പെരുന്നാള് ദിനങ്ങളെ അർഥവത്താക്കണമെന്നും കാന്തപുരം എ പി അബൂബക്കർ മുസ്ലിയാർ പറഞ്ഞു.
Whatsapp Group 1 | Whatsapp Group 2 |Telegram Group
