തിരുവനന്തപുരം: മത്സരിച്ച എട്ടില് ഏഴ് സീറ്റും വിജയിച്ച കേരള കോണ്ഗ്രസ് ജോസഫ് വിഭാഗം രണ്ട് മന്ത്രി സ്ഥാനം വേണമെന്ന ആവശ്യം കടുപ്പിച്ചു.
കേരള കോണ്ഗ്രസ് ആവശ്യത്തിന് ലീഗിന്റെ പിന്തുണയുമുണ്ട്. കുഞ്ഞാലിക്കുട്ടിയും പി ജെ ജോസഫും സംസാരിച്ച് ഇതില് ഏകദേശ ധാരണയുണ്ടാക്കിയിട്ടുണ്ട്.
അതേസമയം, സതീശൻ മന്ത്രിസഭയില് മന്ത്രിസ്ഥാനം ഉറപ്പിച്ച 8 കോണ്ഗ്രസ് നേതാക്കളുടെ പട്ടിക പുറത്ത് വന്നു. സണ്ണി ജോസഫ്, കെ മുരളീധരൻ, എപി അനില്കുമാർ, പിസി വിഷ്ണുനാഥ്, ബിന്ദു കൃഷ്ണ, എം ലിജു, തിരുവഞ്ചൂർ രാധാകൃഷ്ണൻ, ചാണ്ടി ഉമ്മൻ എന്നിവർ മന്ത്രിമാരാകും. ഇനിയും കുറച്ച് പേരുകള് കൂടി വരാനുണ്ട്.
Whatsapp Group 1 | Whatsapp Group 2 |Telegram Group
കെപിസിസി അധ്യക്ഷൻ സണ്ണി ജോസഫിന് പ്രധാനപ്പെട്ട വകുപ്പ് തന്നെ നല്കിയേക്കുമെന്ന വിവരമാണ് പുറത്തുവരുന്നത്.
വട്ടിയൂര്ക്കാവില് മികച്ച വിജയമാണ് കെ മുരളീധരൻ നേടിയത്. പ്രധാനപ്പെട്ട വകുപ്പുകളിലൊന്നാകും കെ മുരളീധരന് ലഭിക്കുക.
ബിന്ദു കൃഷ്ണ വനിത പ്രതിനിധിയായി മന്ത്രിസഭയിലെത്തും. വളരെ സീനിയര് നേതാവായ തിരുവഞ്ചൂരിന് മന്ത്രി അല്ലെങ്കില് സ്പീക്കര് സ്ഥാനമായിരിക്കും ലഭിക്കുക. എന്നാല് സ്പീക്കര് സ്ഥാനത്തേക്കില്ലെന്ന് അദ്ദേഹം നേരത്തെ വ്യക്തമാക്കിയിരുന്നു.
പുതുപ്പള്ളിയില് വേറിട്ട പ്രചാരണ പരിപാടികളോടെ വമ്പൻ വിജയമാണ് ചാണ്ടി ഉമ്മൻ നേടിയത്. മന്ത്രിസ്ഥാനം ഉറപ്പിച്ച നേതാക്കളുടെ ലിസ്റ്റാണ് ഇപ്പോള് പുറത്തുവന്നിരിക്കുന്നത്.
