കൊച്ചി:നടൻ സന്തോഷ് കെ നായരുടെ മരണത്തില് അസ്വാഭാവികത ആരോപിച്ച് സംവിധായകൻ സനല് കുമാർ ശശിധരൻ.നേരത്തേ സംവിധായകൻ ബാലചന്ദ്രകുമാറിൻ്റെ മരണത്തിലും സനല് ദുരൂഹത ആരോപിച്ചിരുന്നു.
ഇതിനെല്ലാം പിന്നില് ഒരു മാഫിയ ഉണ്ടെന്നാണ് ഇദ്ദേഹം ആരോപിക്കുന്നത്. മറ്റൊരു സർക്കാർ വരികയും ഇക്കാര്യങ്ങളില് അന്വേഷണം നടക്കുകയും ചെയ്താല് അത് കൊട്ടാരത്തില് തീപിടിക്കുന്നപോലെ വലിയ വിനാശം ഈ മാഫിയക്ക് വരുത്തുമെന്ന് ഫേസ്ബുക്ക് പോസ്റ്റില് സനല് കുറിച്ചു.രഹസ്യങ്ങള് അറിയാവുന്നവർ അങ്ങേയറ്റം സൂക്ഷിച്ചില്ലെങ്കില് ഒത്തുകിട്ടുന്ന ഏതൊരു അവസരത്തിലും കൊല്ലപ്പെടുമെന്ന മുന്നറിയിപ്പും ഫേസ്ബുക്ക് പോസ്റ്റിലൂടെ സനല് പങ്കുവെച്ചു. കുറിപ്പ് വായിക്കാം
‘ഈ മരണം അസ്വാഭാവികമാണ് എന്നുമാത്രമേ ഞാനിപ്പോള് പറയുന്നുള്ളു. നേരറിവുള്ളവർ പറയട്ടെ. മലയാള സിനിമയില് കൂടുതല് ജീവഹാനികള് ഉണ്ടാകാതിരിക്കട്ടെ. ജാഗ്രത പാലിക്കുക.
ബാലചന്ദ്രകുമാറിനെ ആസൂത്രിതമായി ആശുപത്രിയില് കൊലചെയ്ത വിഷയത്തില് ഞാനെഴുതിയ പോസ്റ്റിലെ വരികള് വീണ്ടും എഴുതുന്നു. ജാഗ്രത.
“മറ്റൊരു സർക്കാർ വരികയും ഇക്കാര്യങ്ങളില് അന്വേഷണം നടക്കുകയും ചെയ്താല് അത് കൊട്ടാരത്തില് തീപിടിക്കുന്നപോലെ വലിയ വിനാശം ഈ മാഫിയക്ക് വരുത്തും. പുതിയ സർക്കാർ വന്നാലും ഇല്ലെങ്കിലും സമൂഹം നേരിടുന്ന ഈ വലിയ അപകടത്തെക്കുറിച്ച് ഉറക്കെ സംസാരിച്ചവരും അതിന്റെ ഇരകളാക്കപ്പെട്ട് നാവ് കെട്ടി ജീവിക്കുന്നവരും എല്ലാം വേട്ടമുനയിലാണ്. രഹസ്യങ്ങള് അറിയാവുന്നവർ അങ്ങേയറ്റം സൂക്ഷിച്ചില്ലെങ്കില് ഒത്തുകിട്ടുന്ന ഏതൊരു അവസരത്തിലും കൊല്ലപ്പെടും. അപകടമരണമെന്നോ, ആത്മഹത്യയെന്നോ സ്വഭാവികമായ ആശുപത്രി മരണമെന്നോ അവയെല്ലാം എഴുതി ഒതുക്കപ്പെടുകയും ചെയ്യും. ഒന്നും തന്നെ ചർച്ചയാവാതെ മാധ്യമങ്ങള് സൂക്ഷിക്കും. “,എന്നാണ് പോസ്റ്റില് പറയുന്നത്.
Whatsapp Group 1 | Whatsapp Group 2 |Telegram Group
കഴിഞ്ഞ ദിവസമാണ് പത്തനംതിട്ടയില് വെച്ചുണ്ടായ വാഹനാപകടത്തില് സന്തോഷ് കെ നായർ മരിച്ചത്.
ചൊവ്വാഴ്ച രാവിലെ ഏകദേശം 6.15 ഓടെയായിരുന്നു അപകടം. തിരുവനന്തപുരത്ത് നിന്നും കോട്ടയം ഭാഗത്തേക്ക് പോവുകയായിരുന്നു സന്തോഷ് നായരും ഭാര്യയും. സന്തോഷാണ് വാഹനം ഓടിച്ചത്.
നടൻ സഞ്ചരിച്ച ഇന്നോവ കാർ എതിരെവന്ന ട്രക്കുമായി കൂട്ടിയിടിച്ചു. കാർ വെട്ടിപ്പൊളിച്ചാണ് സന്തോഷിനേയും ഭാര്യയേയും പുറത്തെടുത്തത്.
നാട്ടുകാർ ഉടനെ അടൂരിലുള്ള സ്വകാര്യ ആശുപത്രിയില് പ്രവേശിപ്പിച്ചെങ്കിലും നടൻ മരിച്ചു. ഭാര്യക്ക് ഗുരുതര പരിക്കുണ്ട്. ട്രക്ക് ഡ്രൈവർക്കും പരിക്കുണ്ട്.
. പി.ജി. വിശ്വംഭരൻ സംവിധാനം ചെയ്ത ഇതു ഞങ്ങളുടെ കഥ എന്ന ചിത്രത്തിലൂടെയായിരുന്നു സന്തോഷ് കെ നായരുടെ സിനിമാ അരങ്ങേറ്റം. 100 ഓളം ചിത്രങ്ങളില് അഭിനയിച്ചിട്ടുണ്ട്. മോഹിനിയാട്ടമാണ് അവസാന ചിത്രം.
