തിരുവനന്തപുരം: മെഡിക്കല് കോളേജില് തീപിടിത്തമുണ്ടായി ഒരു മാസം പിന്നിട്ടിട്ടും ഐസിയു പ്രവർത്തനസജ്ജമായിട്ടില്ല. തുണികെട്ടി മറച്ചാണ് താല്ക്കാലിക ഐസിയുകള് പ്രവർത്തിക്കുന്നത്.
ഇക്കഴിഞ്ഞ മാർച്ച് 17നായിരുന്നു തിരുവനന്തപുരം മെഡിക്കല് കോളേജ് ആശുപത്രിയിലെ മള്ട്ടി സൂപ്പർ സ്പെഷ്യാലിറ്റി വിഭാഗത്തില് തീപിടിത്തമുണ്ടായത്. ഇതിന് പിന്നാലെ രോഗികളെ താല്ക്കാലികമായി സജ്ജീകരിച്ച ഐസിയുവിലേക്ക് മാറ്റുകയായിരുന്നു. ഐസിയു ഉടൻ പ്രവർത്തനക്ഷമമാക്കുമെന്നാണ് ആശുപത്രി അധികൃതർ അറിയിച്ചത്.
ഇപ്പോഴും ഈ താല്ക്കാലിക ഐസിയുവില് തന്നെയാണ് രോഗികളെ ചികിത്സിക്കുന്നത്. തുണി കെട്ടിമറച്ചാണ് ഈ ഐസിയു പ്രവർത്തിക്കുന്നത്. രോഗികള്ക്ക് ഇവിടെ എത്രത്തോളം സുരക്ഷ ഒരുക്കാനാകും എന്നതില് കടുത്ത ആശങ്ക നിലനില്ക്കുന്നുണ്ട്.
Whatsapp Group 1 | Whatsapp Group 2 |Telegram Group
പിന്നാലെ ആശുപത്രിയില് ഗുരുതര പ്രതിസന്ധിയാണെന്ന് ചൂണ്ടിക്കാട്ടി വകുപ്പ് മേധാവി മെഡിക്കല് കോളേജ് സൂപ്രണ്ടിന് കത്തയച്ചു.
