സ്കൂട്ടറും ട്രക്കും കൂട്ടിയിടിച്ച്‌ ഒരു കുടുംബത്തിലെ മൂന്ന് പേർക്ക് ദാരുണാന്ത്യം: ഒരാള്‍ പരിക്കുകളോടെ രക്ഷപ്പെട്ടു.

ഹൈദരാബാദ്: തെലുങ്കാനയിലെ വികാരാബാദില്‍ സ്കൂട്ടറും ട്രക്കും കൂട്ടിയിടിച്ച്‌ ഒരു കുടുംബത്തിലെ മൂന്ന് പേർ മരിച്ചു, ഒരാള്‍ക്ക് പരിക്കേറ്റു.
സഹീറാബാദ് സ്വദേശി കവിരാജ് (40), ഭാര്യ പവാനി (35), മകള്‍ കീർത്തന (11) എന്നിവരാണ് മരിച്ചത്.

Link

Embed

Copy and paste this HTML code into your webpage to embed.

മകൻ കാർത്തിക്കിന് പരിക്കേറ്റു. സംഭവത്തില്‍ ട്രക്ക് ഡ്രൈവർ ഷെരീഫിനെതിരെ പോലീസ് കേസെടുത്തു.

രുക്മപൂരുള്ള പവാനിയുടെ വീട്ടില്‍ നിന്ന് കുടുംബം മടങ്ങുന്നതിനിടെയായിരുന്നു അപകടം. തട്ടെപ്പള്ളിക്ക് സമീപം എത്തിയപ്പോള്‍ എതിരെ വന്ന ട്രക്ക് സ്കൂട്ടറില്‍ ഇടിക്കുകയായിരുന്നു.

കവിരാജും പവാനിയും കീർത്തനയും സംഭവസ്ഥലത്ത് വച്ച്‌ തന്നെ മരിച്ചു. പരിക്കേറ്റ കാർത്തിക്ക് ആശുപത്രിയില്‍ ചികിത്സയിലാണ്.

ഷെരീഫ് അശ്രദ്ധമായി വാഹനമോടിച്ചതാണ് അപകടത്തിന് കാരണമായതെന്ന് പോലീസ് പറഞ്ഞു. പോസ്റ്റ്മോർട്ടത്തിന് ശേഷം മൃതദേഹങ്ങള്‍ കുടുംബത്തിന് വിട്ടുകൊടുത്തു.