ഗുരുവായൂരിലെ ബിജെപി സ്ഥാനാര്ത്ഥി ബി ഗോപാലകൃഷ്ണന്റെ വർഗീയ പരാമര്ശത്തിൽ കടുത്ത വിമർശനവുമായി ഹൈക്കോടതി. രാജ്യത്തിനും സമൂഹത്തിനും സംഭവിച്ച ആഘാതം എങ്ങനെ മറികടക്കുമെന്നും അതു മറികടക്കാന് തിരഞ്ഞെടുപ്പ് കമ്മീഷന് എന്ത് ചെയ്തുവെന്നും ഹൈക്കോടതി ചോദിച്ചു. 48 ശതമാനം ഹൈന്ദവ ജനസംഖ്യയുള്ള ഗുരുവായൂരില് കഴിഞ്ഞ അന്പത് വര്ഷമായി ഒരു ഹിന്ദു എംഎല്എ ഇല്ലെന്നും ഇടത്-വലത് പക്ഷങ്ങള് ഹിന്ദു വിഭാഗങ്ങളില് നിന്നുള്ളവരെ സ്ഥാനാര്ത്ഥിയായി പരിഗണിക്കുന്നില്ലെന്നുമായിരുന്നു ബി ഗോപാലകൃഷ്ണന് പറഞ്ഞത്.
‘അന്തര്ദേശീയ തീര്ത്ഥാടന കേന്ദ്രമായ ഗുരുവായൂരില് എന്തുകൊണ്ട് ഹിന്ദു എംഎല്എ ഉണ്ടായില്ല. കൊടുങ്ങല്ലൂര് അമ്മയുടെ നടയില് നിന്ന് ഗുരുവായൂപ്പന്റെ നടയിലേക്കുള്ള എന്റെ വരവ് ഭഗവാന് ഗുരുവായൂരപ്പന് വിളിച്ചിട്ടാണ്. കഴിഞ്ഞ അരനൂറ്റാണ്ടായി അമ്പലക്കൊള്ളക്കാരുടെ തടവറയിലായ ഗുരുവായൂരിന്റെ മണ്ണിനെ മോചിപ്പിക്കാനാണ് ഞാന് വന്നിരിക്കുന്നത്. ഇന്നും 48 ശതമാനം ഹൈന്ദവ ജനസംഖ്യയുള്ള ഗുരുവായൂരില് കഴിഞ്ഞ 50 വര്ഷമായി ഒരു ഹിന്ദു എംഎല്എ ഇല്ല. ഇടതനും വലതനും ഹിന്ദു സമൂഹത്തില് നിന്നുള്ള സ്ഥാനാര്ത്ഥിയെ പോലും നിര്ത്തുന്നില്ല’ എന്നായിരുന്നു ബി ഗോപാലകൃഷ്ണന്റെ പരാമർശം.
ഗോപാലകൃഷ്ണന്റെ പരാമര്ശം വിവാദമായതോടെ രത്തന് യു ഖേല്ക്കര് ജില്ലാ കളക്ടറോട് റിപ്പോര്ട്ട് തേടിയിരുന്നു. റിപ്പോര്ട്ട് ലഭിച്ച ശേഷം നടപടി സ്വീകരിക്കുമെന്ന് രത്തന് ഖേല്ക്കര് പറഞ്ഞിരുന്നു. തിരഞ്ഞെടുപ്പില് വര്ഗീയ പരാമര്ശങ്ങള് ഉണ്ടായാല് ശക്തമായ നടപടി സ്വീകരിക്കുമെന്നും അദ്ദേഹം പറഞ്ഞിരുന്നു.
Whatsapp Group 1 | Whatsapp Group 2 |Telegram Group