ന്യൂഡൽഹി: രാജ്യത്തെ തിരക്കേറിയ നാല് വിമാനത്താവളങ്ങള് അറ്റകുറ്റപ്പണികള്ക്കും റണ്വേ നവീകരണത്തിനുമായി വരും ദിവസങ്ങളില് താല്ക്കാലികമായി അടച്ചിടുമെന്ന് അധികൃതർ അറിയിച്ചു.
രാജസ്ഥാനിലെ ജോധ്പൂർ വിമാനത്താവളമാണ് പട്ടികയില് ആദ്യം. മാർച്ച് 29 മുതല് ഈ വിമാനത്താവളം പൂർണ്ണമായും പ്രവർത്തനരഹിതമാകും. വിമാനത്താവളങ്ങളിലെ സുരക്ഷ വർദ്ധിപ്പിക്കുന്നതിന്റെയും ആധുനികവല്ക്കരണത്തിന്റെയും ഭാഗമായി റണ്വേ റീ-സർഫസിങ് ജോലികള് നടത്തുന്നതിനാണ് ഈ നിയന്ത്രണം ഏർപ്പെടുത്തിയിരിക്കുന്നത്.
ജോധ്പൂരിന് പുറമെ മറ്റ് മൂന്ന് പ്രധാന വിമാനത്താവളങ്ങള് കൂടി വരും മാസങ്ങളില് സമാനമായ രീതിയില് അടച്ചിടും.
Whatsapp Group 1 | Whatsapp Group 2 |Telegram Group
വിമാനങ്ങളുടെ സുരക്ഷിതമായ ലാൻഡിംഗും ടേക്ക്-ഓഫും ഉറപ്പാക്കുന്നതിന് കൃത്യമായ ഇടവേളകളില് നടത്തേണ്ട നിർമ്മാണ പ്രവർത്തനങ്ങള്ക്കായാണ് ഈ തീരുമാനം.
ഓരോ വിമാനത്താവളവും എത്ര ദിവസത്തേക്കാണ് അടച്ചിടുക എന്നതിനെക്കുറിച്ചുള്ള കൃത്യമായ ഷെഡ്യൂള് സിവില് ഏവിയേഷൻ അതോറിറ്റി പുറത്തിറക്കിയിട്ടുണ്ട്.
യാത്രക്കാർ തങ്ങളുടെ യാത്ര പ്ലാൻ ചെയ്യുന്നതിന് മുൻപ് പുതുക്കിയ സമയവിവരങ്ങള് പരിശോധിക്കണമെന്ന് അധികൃതർ നിർദ്ദേശിച്ചു.
ഈ വിമാനത്താവളങ്ങള് അടയ്ക്കുന്നത് രാജ്യത്തെ ആഭ്യന്തര വിമാന സർവീസുകളെയും ടൂറിസം മേഖലയെയും സാരമായി ബാധിച്ചേക്കാം. വേനല്ക്കാല അവധി തുടങ്ങാനിരിക്കെ വിമാനത്താവളങ്ങള് അടച്ചിടുന്നത് യാത്രക്കാർക്ക് വലിയ ബുദ്ധിമുട്ടുണ്ടാക്കും.
റദ്ദാക്കപ്പെട്ട സർവീസുകള്ക്ക് പകരമായി സമീപത്തുള്ള മറ്റ് വിമാനത്താവളങ്ങളെ ആശ്രയിക്കാൻ വിമാനക്കമ്പനികള് യാത്രക്കാരോട് ആവശ്യപ്പെട്ടിട്ടുണ്ട്.
നവീകരണ പ്രവർത്തനങ്ങള് വേഗത്തില് പൂർത്തിയാക്കി വിമാനത്താവളങ്ങള് എത്രയും വേഗം പൊതുജനങ്ങള്ക്കായി തുറന്നുകൊടുക്കാനാണ് സർക്കാർ ലക്ഷ്യമിടുന്നത്.
