കണ്ണൂർ: കെ.സുധാകരനെ പരിഹസിച്ച് സിപിഎം സംസ്ഥാന സെക്രട്ടറിയേറ്റംഗം എം.വി ജയരാജൻ.
ഒരുമാസം മുമ്പ് സ്ഥാനാർഥിയെ പ്രഖ്യാപിക്കും എന്ന് പറഞ്ഞയാള് ഡല്ഹിയില് പോയി പിണങ്ങിപ്പിരിഞ്ഞുവെന്നും പിണങ്ങിപ്പിരിഞ്ഞകൂട്ടത്തിലെ ഒരാള് ഇന്ന് പൊട്ടിക്കരയാൻ തുടങ്ങിയെന്നും ജയരാജൻ. ഇതാണ് യുഡിഎഫിൻ്റെ നില. കോണ്ഗ്രസിനെ കോണ്ഗ്രസുകാർ തന്നെ തിരസ്കരിക്കുമെന്നും അദ്ദേഹം പറഞ്ഞു.
സമാനതകള് ഇല്ലാത്ത വികസനമാണ് കേരളത്തില് നടന്നത്. തെരഞ്ഞെടുപ്പിന് നേരത്തെ തന്നെ ഒരുങ്ങിയതാണ്. അത് കൊണ്ടാണ് പെട്ടെന്ന് സ്ഥാനാർഥിയെ പ്രഖ്യാപിക്കാൻ കഴിഞ്ഞതെന്നും ജയരാജൻ അവകാശപ്പെട്ടു.
Whatsapp Group 1 | Whatsapp Group 2 |Telegram Group
തളിപ്പറമ്പ് നിയോജക മണ്ഡലത്തിലെ സ്ഥാനാർഥി പി.കെ ശ്യാമളയുടെ പ്രചരണ പ്രവർത്തനത്തില് പങ്കെടുക്കുകയായിരുന്നു അദ്ദേഹം.
തെരഞ്ഞെടുപ്പില് വലിയ വിജയം നേടുമെന്ന് പി.കെ ശ്യാമള പറഞ്ഞു.
എം.വി ഗോവിന്ദൻ്റെ ഭാര്യ എന്നത് അയോഗ്യത അല്ല. പുരുഷ മേധാവിത്ത സമൂഹത്തിലെ അവഹേളനത്തിൻ്റെ മാർഗം മാത്രമാണ് പാർട്ടി സെക്രട്ടറിയുടെ ഭാര്യ എന്ന് വിമർശനമെന്നും അവർ പറഞ്ഞു.
