തിരുവനന്തപുരം: പാചകവാതക പ്രതിസന്ധി, സംസ്ഥാനത്ത് വാർ റൂം പ്രവർത്തനം ആരംഭിച്ചു. സിവില് സപ്ലൈസ് കമ്മീഷണറേറ്റില്ലാണ് വാർ റൂം സജ്ജമാക്കിയിരിക്കുന്നത്.
ഓയില് കമ്പനികളുമായി മുഖ്യമന്ത്രിയും ഭക്ഷ്യമന്ത്രിയും യോഗം ചേർന്നു.. കരിഞ്ചന്തയും പൂഴ്ത്തിവെപ്പും തടയാൻ സ്കോഡുകള് രൂപീകരിച്ച് പരിശോധന ആരംഭിച്ചു.
ഉപഭോക്തൃ സംസ്ഥാനമായ കേരളത്തിന്റെ സവിശേഷ സാഹചര്യം പരിഗണിച്ച് വാണിജ്യ ആവശ്യത്തിനുള്ള ഗ്യാസ് സിലണ്ടർ വിതരണത്തിലെ നിയന്ത്രണത്തില് ആവശ്യമായ ഇളവുകള് നല്കണമെന്ന് ഓയില് കമ്പനികളോട് സംസ്ഥാന സര്ക്കാര് ആവശ്യപ്പെട്ടു. ഇക്കാര്യം അഭ്യര്ത്ഥിച്ചുകൊണ്ട് കേന്ദ്ര പെട്രോളിയം – പ്രകൃതിവാതക വകുപ്പ് മന്ത്രി ഹര്ദീപ് സിംഗ് പുരിയ്ക്ക് മന്ത്രി ജി.ആര്. അനില് കത്ത് നല്കി.
Whatsapp Group 1 | Whatsapp Group 2 |Telegram Group
മുന്ഗണനാമേഖലകളായ വൃദ്ധസദനങ്ങള്, ആശുപത്രികള്, അനാഥാലയങ്ങള്, സ്കൂളുകള്, ജനകീയ / സുഭിക്ഷാ ഹോട്ടലുകള് എന്നിവിടങ്ങളിലും സ്കൂള്, കോളേജ് ഹോസ്റ്റലുകളിലും ഹോസ്റ്റലുകളോട് ചേർന്നുള്ള ഹോട്ടലുകളിലും ഗസ്റ്റ് ഹൗസുകള്, സര്ക്കാര് – പൊതുമേഖല ഓഫീസ് ക്യാമ്പസിലെ ക്യാന്റീനുകള് എന്നിവയിലും മുന്ഗണന നല്കി വാണിജ്യ ആവശ്യത്തിനുള്ള സിലിണ്ടറുകള് വിതരണം ചെയ്യാന് തയ്യാറാകണമെന്നുള്ള സര്ക്കാരിന്റെ അഭ്യര്ത്ഥന അനുകൂലമായി പരിഗണിക്കാമെന്ന് ഓയില് കമ്പനികള് അറിയിച്ചു.
