വയനാട്: മുണ്ടക്കൈ-ചൂരല്മല ഉരുള്പൊട്ടല് ദുരന്തബാധിതര്ക്കായി നിര്മിച്ച ടൗണ്ഷിപ്പ് സന്ദര്ശിച്ച് നടന് മമ്മൂട്ടി. ഭക്ഷണം, വസ്ത്രം, പാര്പ്പിടം ഇവയാണ് നമ്മുക്ക് ആവശ്യമുള്ളത്. ഒരു നാട്ടിലെ ജനങ്ങള് നിരാശ്രയവര്ക്ക് വേണ്ടി സംഭാവന ചെയ്ത് ഇത് മൂന്നും നേടിക്കൊടുക്കുന്നത് അപൂര്വമാണ്. ഇത് നമ്മുടെ ജനങ്ങളുടെ മനസാണെന്ന് മമ്മൂട്ടി പറഞ്ഞു.
ജനങ്ങളില് നിന്ന് പിരിച്ച കാശാണല്ലോ സര്ക്കാര് കൊടുക്കുന്നതെന്ന് അദേഹം പറഞ്ഞു. ഇത് നമ്മള് കൊടുത്തതാണ്. കേരളത്തിന്റെ സമൂഹ്യമൂലധനമാണ് ഈ കാണുന്നതെന്ന് മമ്മൂട്ടി പറഞ്ഞു. മറ്റുള്ളവരോട് അനുതാപവും സഹതാവും ഏറ്റവും കൂടുതലുള്ളത് കേരളത്തിലാണെന്ന് മമ്മൂട്ടി പറഞ്ഞു.
സംസ്ഥാന സർക്കാർ കല്പ്പറ്റ എല്സ്റ്റണ് എസ്റ്റേറ്റില് പണിതുയർത്തിയ മാതൃകാ ടൗണ്ഷിപ്പിന്റെ ഉദ്ഘാടനം പൂർത്തിയായിരുന്നു.
Whatsapp Group 1 | Whatsapp Group 2 |Telegram Group
178 കുടുംബങ്ങള്ക്കാണ് വീടുകളുടെ താക്കോല് കൈമാറിയത്. വീടുകളോടൊപ്പം പൊതുസൗകര്യങ്ങളായ കമ്മ്യൂണിറ്റി ഹാള്, ഡിസാസ്റ്റർ ഷെല്റ്റർ, ഫുട്ബോള് ഗ്രൗണ്ട്, ഡിസാസ്റ്റർ മെമ്മോറിയല്, കടമുറികള്, മെറ്റീരിയല് കളക്ഷൻ ഫെസിലിറ്റി, തടയണയും ജലാശയവും, പത്ത് സീവേജ് ട്രീറ്റ്മെന്റ് പ്ലാന്റുകള്, ഭൂഗർഭ വൈദ്യുത വിതരണ ശൃംഖല, വെള്ളം ഒഴുക്കുന്നതിന് ഡ്രെയിനേജ് സംവിധാനം, 9.5 ലക്ഷം ലിറ്റർ കപ്പാസിറ്റിയുള്ള വാട്ടർ ടാങ്ക്, ഒരോ വീട്ടിലും വൈദ്യുതി ഉല്പ്പാദിപ്പിക്കുന്നതിനായി 2 കെ വി കപ്പാസിറ്റിയുള്ള സോളാർ പവർപ്ലാന്റ് എന്നിവയെല്ലാം ഒരുക്കിയിട്ടുണ്ട്.
