തടികൊണ്ട് തലയ്ക്കടിച്ചു! ക്ഷേത്രോത്സവത്തിനിടെ സംഘംചേർന്ന് ആക്രമണം; വിദ്യാർഥി ഗുരുതരാവസ്ഥയിൽ

കൊല്ലം: മരുത്തടി ക്ഷേത്രോത്സവത്തിനിടെ വിദ്യാർഥിക്ക് ക്രൂരമർദനം. പരിക്കേറ്റ വിദ്യാർഥി അതീവ ഗുരുതരാവസ്ഥയിൽ ചികിത്സയിലാണ്.

Link

Embed

Copy and paste this HTML code into your webpage to embed.

കുന്നത്തൂർ സ്വദേശി ഹരികൃഷ്ണനാണ് മർദനമേറ്റത്. മദ്യപസംഘമാണ് ഹരികൃഷ്ണനെ മർദിച്ചത്. ഹരികൃഷ്ണനെ തടി കൊണ്ട് തലയ്ക്ക് അടിക്കുന്ന ദൃശ്യങ്ങളും പുറത്ത് വന്നു.

മദ്യപസംഘം പരിപാടിക്കിടെ ഹരികൃഷ്ണനുമായി പ്രശ്നമുണ്ടാക്കിയിരുന്നു. തുടർന്ന് സംഘം ചേർന്നെത്തി ക്രൂരമായി മർദിക്കുകയായിരുന്നു.

തലയ്ക്ക് അടിയേറ്റ ഹരികൃഷ്ണൻ ഉടൻ ബോധരഹിതനായി വീണു. മർദനത്തിന്റെ ദൃശ്യങ്ങൾ പുറത്തുവന്നു. ഹരികൃഷ്ണനെ തിരുവനന്തപുരം മെഡിക്കല്‍ കോളജ് ആശുപത്രിയിലേക്ക് മാറ്റി.

സംഭവത്തില്‍ രണ്ടുപേരെ ശക്തികുളങ്ങര പൊലീസ് പിടികൂടി.സുനില്‍,രതീഷ് എന്നിവരാണ് പിടിയിലായത്. ഇവരെ അറസ്റ്റ് ചെയ്ത് റിമാന്‍ഡ് ചെയ്തു. ബാക്കി മൂന്ന് പേര്‍ക്കായി അന്വേഷണം ആരംഭിച്ചിട്ടുണ്ട്.