തിരുവനന്തപുരം: ബിഗ് ബോസ് താരം റോബിന് രാധാകൃഷ്ണന് ബിജെപിയില് ചേര്ന്നു.
റോബിന് ബിജെപിയില് ചേര്ന്നേക്കുമെന്നും നിയമസഭാ തെരഞ്ഞെടുപ്പില് മത്സരിച്ചേക്കുമെന്നുമുള്ള അഭ്യൂഹം നിലനിന്നിരുന്നു. ഇതിന് പിന്നാലെയാണ്
തിരുവനന്തപുരത്തെ ബിജെപി ആസ്ഥാനമായ മാരാര്ജി ഭവനില് വെച്ച് അധ്യക്ഷന് രാജീവ് ചന്ദ്രശേഖറില് നിന്നും ബിജെപി അംഗത്വം സ്വീകരിച്ചു.
Whatsapp Group 1 | Whatsapp Group 2 |Telegram Group
താന് സംഘിയാണെന്ന് അഭിമാനത്തോടെ പറയും എന്നായിരുന്നു റോബിന പ്രതികരിച്ചിരുന്നു. പിന്നാലെയാണ് ബിജെപി പ്രവേശനം. തന്റെ ഔദ്യോഗിക സോഷ്യല്മീഡിയ പേജിലായിരുന്നു റോബിന് രാജീവ് ചന്ദ്രശേഖറിനൊപ്പമുള്ള ചിത്രം പങ്കുവെച്ചത്.
റോബിനെ പിന്തുണച്ച് ‘ആര്എസ്എസ് തിരുവനന്തപുരം’ എന്ന പേജും രംഗത്തുവന്നതോടെയായിരുന്നു ബിജെപി പ്രവേശനം സംബന്ധിച്ച് അഭ്യൂഹം കടുത്തത്. പിന്നാലെ കടുത്ത സൈബര് ആക്രമണവും താരം നേരിട്ടു. പച്ച തെറിവിളിയും ഭീഷണിയുമാണ് തനിക്കെതിരെ ഉയരുന്നതെന്നും താന് സംഘിയാണെന്നും വ്യക്തിപരമായ ഇഷ്ടങ്ങളെ ചോദ്യം ചെയ്യേണ്ടതില്ലെന്നുമായിരുന്നു റോബിന് പ്രതികരിച്ചത്.
ലോകത്തിലെ ശക്തരായ നേതാക്കളില് ഒരാളാണ് നരേന്ദ്രമോദി. നിങ്ങളുടെ ഇഷ്ടങ്ങളെ ചോദ്യം ചെയ്യാന് വരുന്നില്ലല്ലോ’, എന്നായിരുന്നു റോബിന്റെ പ്രതികരണം.
